الأحد، 15 يوليو 2012

ترى العتب بين المحبين مسموح
يجي شبيه الزوبعه بساع ينزاح


يجلي شكوكٍ و الخطا معه مدموح
طب الجروح و يبدل الحزن بافراح



بقلمي

الأربعاء، 11 يوليو 2012

يا حر دمعٍ اختلط حزنٍ بخوف
حار في عيوني و أبلشت الجفون



إن سدلت الجفن حدّر كالسيوف
و ان حبسته خان و خيّب لي ظنون



ما يفسر شوقنا سطّر الحروف
و لا يجيب احساس فايض بالشجون



طيفكم ان لاح ما كني اشوف
غير زولك و الأوادم يختفون



يا حبيبٍ مسكنك في وسط جوف
ما نبدّل حبكم صعبه نخون



لو تردى حظنا و حدّت ظروف
حافظه وعدي و قلبي لك يصون



بقلمي

الجمعة، 6 يوليو 2012

جيت بمكان اللي له القلب منزال
أقضي سويعاتٍ في عمري ثمينه


من عقب ضيق الصدر غيّر لي الحال
شوفت رسوم اللي يمد اليمينه



سجيت فمراحه و قلت الغثا زال
و دعيت له بالخير تسعد سنينه



ما ضاع وعدٍ بيننا لو البعد طال
كلٍ حفظ خله و حطه بعينه



بين الحنايا فالحشا سرهم شال
و لشواقهم قلبٍ عسى الله يعينه



بقلمي

الأحد، 1 يوليو 2012

يا ناس قلبي تفهم لوعة الايام
و اجبرت نفسي تجافي أغلى سكانه



أصدرت حكمٍ ظالمٍ يشبه الاعدام
سجن لفؤادٍ تعلق روح ولهانه



و اظنها صعبه على شامخٍ مقدام
الذيب عينه ما تنظر عين سجانه



بقلمي