الخميس، 31 يناير 2013

يا جماعه جيت أبسأل كيف هالدنيا تدور ؟
كيف يجحد في حقوقك شخص يعشقك بجنون ؟


كيف ما به حد يجبر كسر خاطر أو يثور ؟
كيف تجريح النفوس الصادقه مر بسكون ؟


كيف نرضى للمعزه حكم صادر فيه جور ؟
كيف في قطع التواصل نخلق أعذار بفنون ؟


كيف نروي زرع عاذل و البذر في أرض بور ؟
كيف نسمع للوشايه و نمشي معها بلا عيون ؟


كيف ما نقبل نسامح للعذر نهدم جسور ؟
كيف نبني فالعلاقه مبنى عالي من الظنون ؟


كيف رمش الجفن يصبح للدمع شبك(ن) لسور ؟
كيف تجبرك العباير توصف القاسي حنون ؟


كيف و يا كثر التساؤل يختلف حزن و سرور
و الإجابات إن بغيتوا للفكر ممكن تخون


بقلمي
هنيكم يا اهل العقول الخفيفه
إذا تكلمتم ما يلحقكم اللوم


لو زتم التجريح قالوا طفيفه
و الحكم فيكم لو صدر ما له لزوم


بقلمي

 
يا عرب حنا بزمان النصح جلاب الهلاك
هم يجونك بطلبونك عقببها تصبح عدو


تصدق النيه معاهم صافي بقلب الملاك
دام قولك ما عجبهم ما اسمعوا لك لو غدو


بقلمي

قهوة صباحي و المطر أجلوا الضيق
و الفرح جاني مبتسم قال حياك


عطيني الامنيه و انا اهديك تحقيق
و لك السعاده وين ما اتروحي وياك


بقلمي

نية صفا فرقها شتان
عن زين و خافيه مرضاني


ينصرك ربي عظيم الشان
خالق من الطين الانساني


و يزين وقت(ن) لكم عمسان
و يزيح هم(ن) بكم باني


يدعي لكم من هواكم صان
و يضيق لا شافك تعاني


بقلمي

الأربعاء، 30 يناير 2013

إذا تعدى شخص غالي حدوده
لازم تمشيها من اجل المحبه


قانون صادر حددوا له بنوده
جرح المحبين التسامح هو طبه


بقلمي
إن تهت في أمر و معك حار فكرك
إنشد و خذ علمك من اصحاب العقول


لا تهمله و احذر تجي من يضرك
و لا تعتمد من رفقة السوء أي قول


بقلمي
بيتك بوسط القلب محد(ن) سكن فيه
و إذا بعدت اعطيك مفتاح قفله


يصعب على غيرك يقرّب محاريه
أنت الوحيد اللي تملّكه كله


بقلمي
هانت من اجلك ضيقتي في غيابك
و الدمع أبهله و لو أحرق الموق


يا ليت تحفظ قلب يحسب حسابك
نبضه بإسمك دوم ينادي من الشوق


بقلمي
تكتب تفاسير المعاني بتصوير
يرسم ملامح طيف مر بخيالك


و الحرف بعض احيان يعجزه تعبير
ما يمكنه سطر الجمل دوم هالك


بقلمي
ينوي له أمر و يكتب الله ثاني
يا رب جعل اللي فقد فيه خيره


بعض الامور الناس منها تعاني
و فالأصل هي تكفيها من شر غيره


بقلمي
سماع صوت المطر

يغريك لمشاهدة نزوله

و استنشاق رائحته

يهديك احساس منعش

يبشرك ببداية يوم

بإذن الله جميل بكل ما فيه

بقلمي

 
راكد بطبعه بالعقل يوزن الأمر
يعجبني نصحه ما يجي فرض للراي


معه التناقش يعطي لي فرصة العمر
أعرف معه كيف التعامل بدنياي


بقلمي

الثلاثاء، 29 يناير 2013

ما احب قي يوم(ن) يجي خاطره شين
يومه يداري خاطري فدوة الروح


ازيح همه لو شكا العسر و البين
واشري غلاهم عزوتي مصدر البوح


إن شاف دمعي حاير(ن) داخل العين
يمسحه في يده و يطبب لي جروح


بقلمي

الاثنين، 28 يناير 2013

ميخالف أدري لكل وقت(ن) مجاله
بس الوصل قطعه ما يبغا محامي


من حط له واتساب يا حي فاله
و إذا حصل فايبر و تانقو تمامي


يكتب إلى الغالين و يرتاح باله
بالصوت و الصوره مايلحق ملامي


بقلمي
صدق المشاعر ما يصوره تعبير
منه يتلعثم عند نطقه لساني


لازم تحسه دون ما اعطيك تقرير
من قلبي لقلبك يجي ما يباني


و العين ترسل لك لمعناه تفسير
بين الحنايا تمتلك لك مكاني


بقلمي
نيل و بحر معه المحيطات جمله
يجف ماها لو أبكتبك بحروف


تقول حبك زايد الوزن حمله
وشلون حسي فيك تجمعه بظروف


بقلمي



 
من وثق بالنفس زايد عاد خايب في رجاه
المقدّر لو تحذّر صايبك بامر الولي


بقلمي

 
وميض في عينه لفت لي انتباهي
و يومي سألته صد بالوجه عني


جينه و قلت الأمر فيه اشتباهي
عينك بما تخفيه هي علمتني


أدري مكاني فالحشا دوم راهي
و تدري بي ما بوم(ن) بكم خاب ظني


بقلمي

 
ناس(ن) تصبّحها تباشر بها الخير
و ناس تقول الله يعديه هاليوم


سبحان رب(ن) معطي الرزق للطير
عليه نتوكّل في صبح و مسا دوم


بقلمي


 
إذا عطاك الخل حر اختيارك
تبقى معه أو تبتعد شوف شتريد ؟


انظر لعينه قول صعب اختبارك
و إن ظل يناظر اختر تروح لبعيد


بقلمي

 

السبت، 26 يناير 2013

( عيش خالي )
أعترف احترت بالفكره و الخيال واسع
أرجو تقبل الترجمة مع كل الإحترام لكم

:: الفكرة الأولى :

بعض المواقف تظهر أطباع و اجناس
توضح لكم معدن من الناس غالي


رفقة دروب بطيبهم تعصب الراس
و من لا عرفهم أنصحه عيش خالي


:: الفكرة الثانية :
من قال نقص الوزن في هالزماني
تاكل بلا إيدام بس عيش خالي


منهو بغى يضعف لابده يعاني
و يبشر من همومه بوزن(ن) مثالي


بقلمي
مر الأمر بسكات من دون أعاتب
حشمه لكبر السن صديت عنّه


درس و حفظته الأوادم مراتب
و حسن التعامل واجب اتقان فنّه


بقلمي
نكسر خواطر نفسنا و لا نبالي
بس المهم ما ينكسر خاطر الناس


يمنع بهذا الأمر فتح المجالي
ترى خطورة هالوضع ذبح الاحساس


بقلمي
نكتب من احساس المشاعر تصاوير
يترجمه نبضي و حرفي يصوغه


نرسم صور فيها دروب المشاوير
يجيبها التفكير لي شبه صوغه


بقلمي
اسمك و رسمك و المعاني بالاسطار
تبري فؤاد(ن) شب في جوفه الشوق


و تجي تباشيره كما هل الامطار
تروي عطش و الفرح في دربها تسوق


بقلمي
زين المثايل طاب جرحي ان قريته
و احس ربكه في مشاعر خفوقي


دمعي يهل و ما يطيع إن رجيته
و دمي أحسه فاير(ن) في عروقي


و رسم ابتسامه لو اجتهد ما خفيته
ما غير أصد بوجهي كني سروقي


بقلمي
لا لا لا تحرجون الخل لا تحرجونه
لا لا خلوه يجرح لو لروحي قهرها


لا لا عادي يمون و لو يزيد بطعونه
لالا جبر الخواطر يعجز اللي كسرها


لا لا ما اشكي انا من الضيم لا تجبرونه
لالا ما بي يجامل ثم يصنع عذرها


بقلمي

 
اتقن اليوم ودك تكسب الحب مردود
يزهر في روض قلبك ورد للشوق تهديه


احرص إنك تبسم تجني روحه بها يجود
تملك لحظه بحياتك أغلى من كنت ترجيه


بقلمي

 

الجمعة، 25 يناير 2013

أكمل معك مشوار عمري بلا خوف
أضمن بقربك أمن أمان و سكينه


أبرمنا عقد(ن) صامد بوجه الظروف
و اعلنا ميثاقه بوسط المدينه


بقلمي
رهنت نبضي و المشاعر و الاحساس
في بنك قلبه دون ماخذ ضمانات


و عاهدتهم نبقى على الوعد حراس
نحميه و ما يسمع أبد جته طعنات


بقلمي
دهليز قلبي ما سمح غيره يمر
يحفظ مداخل خافقي حشمة(ن) له


في حالي الايام و ان كان به مر
و إذا حضر و ان غاب محد(ن) يحله


بقلمي
وش لك بناس(ن) تجحدك لو تفانا
و طبع القلوب الصادقه ما تبيها


بقلوبها غل(ن) تجيك بلعانا
ما تنصحك بالخير تبت يديها


بقلمي
يركض ورى الدنيا من الخوف مرعوب
ما يحسب الخطوه في دربه يتوهي


يتبع بلا تفكير و العذر مرغوب
و اذا وقع قال السبب دنيتو هي


بس لو تركد يعرف العمر محسوب
و ان العمل وحده يبيض وجوهي


بقلمي

 

الخميس، 24 يناير 2013

:: لكل من شرفني بتقييم بالمنتدى ::

توني جديده و لا سمح لي بتقييم
لازم ثلاث شهور عقبه أقيم


لكن أبنشر في مدونتي تعمييم
كل احترام و شكر و تقدير أعمم


بقلمي
ترى السكوت أحيان يحمل معاني
لا تزيد في هرجك ترى الصبر محدود


ترجم رسايل من عيون(ن) تعاني
ما ودها بجرحك يجي الرد بصدود


بقلمي
ليت المعاني لك تصور مشاعر
كنت أرسم بنبضي لشوق الضماير


و اركز بحرفي على درب واعر
غيرك عجز يبني بوسطه عماير


بقلمي
ضهب الحشا أرحم من الشوق لا غاب
يا جعلني ما ابكيه فرقاه يذبح


أنا اشهد ان بعده غدى القلب منصاب
لو أعرضه للبيع ما جاب مربح


بقلمي
يكتب لك الخالق مع الناس توفيق
إذا حرصت إنك توكّل على الله


إزرع أمل تجني أمانيك تحقيق
و من ينثر بدربك حجر صد و خله


بقلمي
أرسل مع طيور المحبه مراسيل
تحوي صباح الخير يا اغلى من العين


يا جعل دربك دايم(ن) لك تساهيل
و تعوّد لدارك ترى بعدكم شين


البيت عقبك مثل قهوه بلا هيل
هذا هو جيمي يوم منك وصل سين


بقلمي
له فالحشا مبنى مشيّد بتركيز
و الساس محمي ما تهده زلازل


و من الغلا حبه نمده بتعزيز
و ما يوم أفكر عن هواه اتنازل


بقلمي

الثلاثاء، 22 يناير 2013

أبسألك ليه العتب مني ممنوع
و مسموح منك تجرح احساس روحي ؟


يعني معاكم ما اتناقش بموضوع ؟
أرجوك بفهم ليه ما ترضى توحي ؟


بقلمي

 
أقول وقت اليوم وشفيه ما مر
معه الثواني لا مضت كنها اسبوع


و الكون مظلم كن هالأمر به شر
أثري رحيلك للفرح أطفى الشموع


بقلمي

 
اقنع بعقلك و اغتنم صحة القول
و اياك من تخريف يجلب مهانه


الحرف يحشم و الكتابه لها اصول
ترى لسان الآدمي هو حصانه


بقلمي

 
نيابة(ن) عن خافق(ن) قال لبيه
أبشر بطاعه دام قلبي طبيبك


حبك تمركز فالحشا و ذي مواريه
أطير فرحه يوم انا لك نصيبك


بقلمي

 
أحيانا


الحب الشديد


يكون هو السبب


للفراق


قد يبدو أن هناك تناقض


لكن الواقع يؤكد غير ذلك


قد يكون حبك لمن تحبه


ضرر


و ابتعادك عنه له


منفعة


هنا تتحقق حقيقة


الحب أحيانا سبب الفراق


فخوفك من ضرر من تحبه


يستوجب عليك


الإبتعاد عنه لمنفعته


و ذلك أفضل من تجريح أحدكما للآخر

و إن تألم و تألمت فلا بأس


فمصلحة المحبوب أقوى من الألم .


بقلمي

 
هانت من اجلك يا وطن ترخص الروح
و يبقى الثرى طاهر على مر الازمان


الكل منا يجتهد يبني صروح
و يرفع لراية موطني أغلى الاوطان


بقلمي

 
مكتوب ترحل و المعاليق وياك
ربي يعين القلب و يحفظ جنابك


احرص على نفسك يا جعلي فداياك
تراي أموت إن شي يا روحي صابك


بقلمي

 
ومضه تجي و تعطي تباشير نورك
تسعد صباحي و المسا من ضياها


ترسم تعابير السعد في حضورك
و تبعث بنفسي من فرحها رضاها


بقلمي

 
شهر العسل بالطيب عشنا به سنين
ما هي ثلاثين(ن) و يختم بعدها


حنا البدو في عشقنا محنا هينين
بالصدق نبني للمحبه عمدها


ذوق و لباقه و في تعاملنا ذربين
و بيض النوايا للموده سندها


بقلمي

السبت، 19 يناير 2013

بيان مني صادر(ن) له من الروح
سطّره نبضي حسب الاحساس مرسوم


باني أحبه و اتبعه وين ما يروح
و لا ابعدت عن دربه ترى الحي مرحوم


بقلمي

 
لا تكترث يا صاحبي و انت نبراس
ترى كلام الناس فاضي على ماش


إذا سمعته صد و لا تجرح احساس
لا ترسل بحالك إلى غرفة انعاش


بقلمي

 
ليه البشر ما ترحم احساس غالي
فقد عزيز(ن) ما يلاقي مثيله


يشريه باغلى السوم لو كان عالي
و ما يرضى غيره في فؤاده بديله


بقلمي

 
أحسب كلامي قبل لا انطق بحرفي
ما ودي أجرح خاطر(ن) حيل غالي


و نار العواذل بالعذر مني تطفي
يا مشقي روحي أنت لي طب حالي


بقلمي

 
يهاب من ظلم البشر عند حكمه
و يعشق لمبدأ أحسن الظن بالناس


و يزيد من هرج القفا دوم همه
حيث ان قطعه يشبه لضربة الفاس


بقلمي

 
ليل المعاني من حضورك تبخر
من ذوق حسك ينقش الحرف بسطور


و مشاعره تنبض بكلمة أنا افخر
شامخ بتعبيره يشابه جبل طور


بقلمي

 
دمعي فرح ما هو من الضيق و الهم
من دون ما اشعر هلّ مالوم عيني


من شاف زولك جرح في جوفه التم
يا سعد يومي و ما مضى من سنيني


بقلمي

اليوم فرحي ما زونته بميزان
ثقيل وزنه ما تقيسه موازين



بقلمي


 
ليلاس مني لك في صبحك هديه
يامن غلاته ما تقدّر بالاثمان



و روحي لكم فوق الهديه عطيه
حيثك في هذا الكون ما مثلك انسان


بقلمي










الخميس، 17 يناير 2013

يرسل لنا شوقه و يبعث سلاما
و القلب يستقبل و نبضه يسلم



و يسأله يا خلي هو بعدك علاما ؟
جاوبني قبل الرحله ليه ما تعلم ؟



بقلمي

 
لك في وجودي من عنا الشوق تعبير
يجوض قلبي من بعادك عن العين



يا جعل صبحك يا هوى البال تيسير
و تمسي بطيب الحال و الله لك يعين



بقلمي

 
لا شفت زولك صد وجهي عن الناس
مابي عيوني تنظر لشخص غيرك


من دون ما استجدي يهل موقي ألماس
من فرحتي أدعي لك الله يجيرك



بقلمي

 
وقفه بلحظة صمت تكسب بها الوقت
تعطيك حكمة عقل و ترتيب الافكار


ما يمكنك تندم إذا الراي له سقت
دامك تأنى ما تتوه و لا تحتار



بقلمي

 
طبع(ن) لكسر الخاطر ايسابق الريح
و طبع(ن) يطبب جرح و لو قيل ما يطيب



طبايع(ن) فالناس من دون تصريح
تعمير نفس و بعض الاحيان تخريب


بقلمي

 

الاثنين، 14 يناير 2013

فقره بتعبيره حكت ما يخبيه
بانه يحب احساس قلبي و يهواه


و مشاعره ترسل مع النبض تنبيه
لهيب شوقه فالمعاليق يصلاه


وده أناديله و يجاوبني لبيه
و يسأل فؤادي بعدهم كيف يقواه ؟


بقلمي

الخميس، 10 يناير 2013

يكتب على اوراق الشجر لي مكاتيب
و اجاوبه باوراد من قطف ايديني


و حرفه إذا خطه يجي فيه ترتيب
من روعته ينّور و ضيّه يبيني


بقلمي
لكل عين تقرأ مدونتي
شرفتوني و كلكم على راسي
اسمحوا لي أقول
و منكم العذر و السموحه
أنا آسفه
أنا كذا
طبعي كذا
اسلوبي كذا
و لا أعرف أكون
إلا كذا
يبدوا إن وصفي في هالزمن
ما يمشي معه غير كلمة
معقده
ما عليه اعذروني
صعب أغيّر قناعاتي
أنا غـلا بنت الطيب
رسمة الأيام
ما رسمت نفسي

أنا باختصار
بنت أبوها و امها من البدو
و متربيه تربية بدو
سامحوني
لو سببت لكم
كتاباتي
شوية ازعاج
يشهد الله ماني قاصده
أنا آسفه .


بقلمي
السد باح و خاطري منك ضايق
و السر مكنوم(ن) و لا يمكن أبوح


هذي الحقيقه كان تبغا الحقايق
أخاصمك و النبض يبني لك صروح


و لا فيه داعي لك أقدم وثايق
يدري بي احساس(ن) معك جاوبه نوح


لك حشمة(ن) تجبر خفوقي يوايق
على مكانك فالحشا معادل الروح


رغم الزعل قلبي لك العذر سايق
يا صاحبي ما غيركم طب الجروح


يطلب نسامح بعدكم ماهو طايق
قلب(ن) عجز صوتي معه صار مبحوح


وش عاد لو حزني من النفس بايق
فرحة سويعات(ن) تجي بساع و تروح


مشكور يا مولع بجوفي حرايق
بصفح عن الزله من القلب مسموح


بقلمي

الثلاثاء، 8 يناير 2013

هات الكلام و لا تزخرف حروفك
ترى غلاتك تفهمك دون تفسير


و اياك تنسى بان عيون(ن) تشوفك
يقودها قلب(ن) بأمره هي تسير


بقلمي
الموعد اللي تحتريه و لا يجي

عده ما حصل

و لا تزعج احساسك

يمكن من واعدك ما قدر

دامك تعزه عطه العذر

و اسأل عليه

يمكن لك هو في حاجه

لا تخيّب ظنونه

لا تكون من اللي

يصاحب الناس لغايه

و ان ما احصلت له

تجاهل و ضيّع هقاوي .

بقلمي

الاثنين، 7 يناير 2013

جمعت لك نبضات شوق(ن) تناجيك
عيّت تلاشى رغم بعد المسافات


جميع كلمات الغلا عند طاريك
تصرخ مكانك فالحشا ما يبي اثبات


جمع المشاعر نزفها ما يجاريك
يسألني دايم كيف و شلون هي جات ؟


جمله بها أدميت قلب(ن) يداريك
يحفظ ودادك يدعي دربك سهالات


جمر  المدامع أحرق عيون غاليك
يومي تعمّدت البعد عنك بسكات


بقلمي

الأحد، 6 يناير 2013

لا جيت أكتب


القلم ينكسر


و الحبر يجف


و التعبير يعجز


و الريق ينشف


و القلب يصرخ


و النبض يوقف


و الإحساس يختفي


و المشاعر تضيع


و لا أقدر أكتب اللي ودي أكتبه .


بقلمي

 

السبت، 5 يناير 2013

إن جيت تحسب


وقت انتظار اللقاء


تعجز


من حساب الثواني


اللي كنها سنين


و ان اجتهدت


و زادت عندك الهمه


تكسرك الدقايق


اللي من بطئها


تشعرك بانها ما تمر


و اللي يجرحك زود


و ممكن يذبحك


لا جيت تحسب


وقت اللقاء


ما يمديك تحسبه


بسم الله الرحمن


كنه لمحة بصر


أو يمكن أقل


و احيان


ما تصدق إنه حصل .


بقلمي
يا صعب الأمر


لا اجبرت نفسك تبتعد


عن مكان تحبه


لا بالله إلا تعشقه


و ما تقدر تتنفس


إلا فيه


و مع هذا


لا مريته


كنك غريب


و لا اخنقتك العبره


و انكتمت الأنفاس


و دمعتك هلت


مالك جدى


غير إنك


تجر الآهآت


و تمسح بكفك الدمعات .


بقلمي

الجمعة، 4 يناير 2013

هقوتي ما خاب منهو نصاكم
لو هي صعيبه معك تصبح تياسير


بقلمي
أسعد اللحظات


إذا حرفك قريت


ترتسم بسمه


و تفرح مهجتي


و المعاني لا اوصفت


شوقك دريت


إن مناك تشوفني


مثل ما هي منيتي


بقلمي

 
فات الميعاد و صعب قلبي يصَدِّق
إن صاحبه ينسى و لو هي ثواني



يا رب سترك خابره دوم يصْدِّق
و اليوم مدري وش جرى من زماني ؟


بقلمي

 
حهديك مثل المصري لا قال أبهديك
حب(ن) تعذّر بالوزن ماله اقياس


و مشاعري صعب(ن) لها الوصف يعطيك
قدرك و حبك ما يسطّر بقرطاس



بقلمي

 
لم أستغرب , و لن أستغرب


ما حصل , و ما سيحصل


لأنني اعتدت على توقع


ليس فقط


ما لا يمكن توقعه


بل


و ما لا يمكن تخيله


الحمد لله أولا و أخيرا


أنا أمتلك القدرة على


استيعاب كل ما يدور حولي


لذلك لا أتذمر و إنما أبتسم


لأن الإبتسامة كفيلة بقلب الأوضاع


فمن يحاول تكّدير حياتك


ثق تماما بأن ابتسامتك تكدّر له حياته .


بقلمي

الأربعاء، 2 يناير 2013

إن صاحبك معنى الأمل في حياتك
يمد عمرك بالأماني سنيني


و لو عاكسك حظك بعثرات جاتك
اصمد و حبل العزم خله متيني



بقلمي
الوقت معنا دايم(ن) لي يعاند
لا صرت متشفق و واعدت غالي

زحف الثواني و حظي الاقشر يساند
من بطئها يحرق لي الشوق حالي

بقلمي
أهمس بإسمك لا شعر قلبي بالخوف
و اطمّن النبضات باحساس قربك


بقلمي
ستر المشاعر يخذله ناظر العين
يفضح خفايا تجتهد ما تباني


يبوح دون النطق معه الغلا يبين
و الشوق يصرخ بعدك الموت جاني


بقلمي
( هه ) إذا حطيت لك بينها ميم
أو بدِّله بالزا يجي همه هزه


بقلمي
تكدير خاطر هالبشر ما يعوقك
أما مسح دمعات يصعب عليكم


يا آدمي الايام ممكن تبوقك
و تقلب صبح الافراح حزن بمساكم


بقلمي
تهمة محبة خافقي ما تبي اثبات
و الحكم منّك ما نفكر بطعّنا


أعدّها نعمه من الرّب لي جات
إن آمرت قلنا سمعنا و طعّنا


بقلمي