الأحد، 30 يونيو 2013

عد الرمل عد الخطى عد الانفاس
و عد السطور و عد قطرة حبرها

أقول لك كم وزن حبك بالقياس
إذا جمعت و قلت لي كم عددها ؟

بقلمي
وافقت انا امشي معه يوم الاثنين
يم ( الخبر ) نقضي ليال( ن ) ثماني

بس الخبر قال اكتمي قلتله زين
يس امك ان جاها خبر تبتعاني

خلها تجي و نحطها وسط عينين
لو كانت بتجلس يا عمري مكاني

بقلمي
يرخص النفس منهو ينتظر منه منَّه
بس انا أدري بحبيبي ما يتمنن عليه

هذا ردي يا عاذل لا تزيد الزن حنه
لأني أعلم ما يرضى قلبهم لي بالأذيه

بقلمي
يبدي يحاول يخلق أعذار بالكوم
و انا اتعمّد في عيونه أركز

بها أشوف الصدق و الكذب و اعلوم
يرسلها قلب(ن) فيه حبي امتمركز

و تغلبني البسمه و أنسى أنا اللوم
يجبرني قلب(ن) فيه يحتل مركز

بقلمي
هام الخبر يا ليت يوصلك عاجل
عاذل يحاول هدم سور المحبه

عجزت انا ارسل لك علومه بزاجل
يا ليت تفزع لجل نردم مصبه

بقلمي
لا تحسبني لا بعدت انا بنساك
و انسى الوعود الماضيه يا حبيبي

ليتك تجس النبض لا اوحيت طرياك
كنه بمضمار(ن) يسابق نحيبي

لا تحاتي يا منية هوى قلب يتناك
يسطر لك الأعذار رغم المغيبي

بقلمي
نهر المحبه هادي بالطبع مايه
بس احترس لا فاض دمّر بلادين

حبك تمركز و ابتدى بلا نهايه
بتعزيز من همسك يصد المعادين

بقلمي
مين اللي قال إن القلم يظلم الناس ؟
و من خالفك بالراي لابد ايعاديك ؟

ترى البشر بالطبع أخيار و انجاس
هو كل شخص) يبتسم لك يدانيك ؟

لا تخدعك كلمات قيلت بلا ساس
انظر بعين الصدق تعرف مصافيك

بقلمي
ليت اللقا بالكيف و اجيك بالحال
لا ما اتأخر لو ثواني عليكم

لكنها الأقدار تبعدك الاميال
صعبه علي يا روح روحي أجيكم

بس انا أحبك انسى للغير تنقال
رغم المسافه قلبي يبقى بيديكم

بقلمي
ناديت انا و الناس بالليل نيام
يمه تعالي ضمتك هي دوايه

تعبت انا و الله بالحال علام
يمه خذيني برفع اليوم رايه

فزيت من نومي طلع طيف باحلام
يا رب ترحم أمي هذا رجايه

بقلمي
منهو يريد الخير جمله و تفصيل
يحرص على وصل الرحم و الأمانه

و اذا بغى زود(ن) يضاعف له الكيل
يستغفر الله دوم و يحفظ لسانه

بقلمي
أنساك كلمه منها تخنقني عبره
تجي بقلبي مثل طعن السكاكين

جيب الخبر و اهديك من عيني نظره
أدري بها عندك تساوي ملايين

لان الغلا و الشوق محد(ن) يقدره
غير الذي حبه سكن بالشرايين

بقلمي
حييت يا ذرب المعاني و الافكار
يا مبدع بحرفك جميل التصاوير

النبض يفرح بك و تشتاق الانظار
ترجم و خذنا مع سطورك مشاوير

الشعر واحه وسطها الخير مدرار
بترتيب فكرك تجني جملة نواوير

بقلمي
له الأمر و ما قدره لك يصيبك
و اذا كتب تسلم بحفظه حماكم

إن فاتك امر(ن) لا يتزايد نحيبك
اعلم ترى شر(ن) بفقده خطاكم

بقلمي
بهّر لك الدله إذا العزم شديت
تستاهل الفنجال و اطيب تراحيب

يا من على درب السنع ما تخطيت
ابشر طريقك ما يجي به عذاريب

دامك على وصل الرحم ما تعديت 
تلقى الجزا حسب العمل ذي تجاريب

بقلمي
فيضه تجمّع فيها شيح و خزاما
تعطرت منها النسايم و جتني

قالت في هالدنيا نعيش بسلاما
لا تشتكي منها بقولك نستني

لا تجادلي بالحق محد(ن) يلاما
قلت اسئلك ما هو حكم من جرحني ؟

هرج القفا ردي حلال او حراما ؟
ما جاوبت صدّت و لا كلمتني

بقلمي

بعض الغرام أحيان يوردك للموت 
احذر ترافق من يخون الأمانه

الصوت ما ينّفعك إن فاتك الفوت
لا تستمع للواشي و اترك مكانه

بقلمي

ميدان شعر(ن) فيه من حب يفرض 
باسلوب يقنص روعته ما تعوفه

يربطك باحساس(ن) بعيد(ن) عن البغض
مع الرقي و الذوق تعجب وصوفه 

مهارة(ن) ترجم تعابيرها النبض
إذا نقش بالسطر تبرق حروفه

الكذب بالمعنى يجاوبه بالرفض
و صدق المشاعر بالمحبه يحوفه

بقلمي

الجمعة، 21 يونيو 2013

اقبض ثمن حبك إذا القلب باعه
نبضي مع دم الشرايين و الروح

اقعد و عد إن كنت تقدر لساعه
أنفاس و همس الناس و الصدر به فوح 

إذا قدرت أوعد مع السمع طاعه
أبعد و انا ادري صعب تنساني و تروح

بقلمي
يمكن يجي يوم(ن) تحس إني مظلوم 
لكن لا تحلم أقبل العذر منك

لا تحسب إن الحقد و الغدر له سوم
وقت العسر من رافقك راح عنك

بقلمي
العذر منك واضح إنه مفبرك
مالك عذر و الكذب اشوفه بعينك 

لا تقولها معنا ترى ضاع صبرك
لا تتهمني و الخطا صنع ايدينك

بقلمي

الجمعة، 14 يونيو 2013

يرسمك فكر(ن) تاه و الناس جلاس
و اسج معك و يبدي بالهل موقي 


يسألني من حولي و فالحلق ترباس
من ربكة الرهبه كأني أبوقي


نيابة(ن) عن كل نبضي و الاحساس
أرسل لك أشواقي و لهفة خفوقي


يا بلسم جروح(ن) لحب(ن) بلا اقياس
جعل السعد دايم لدربك يسوقي


بقلمي
( الحب في هالوقت لعب وتسالى )
عند الذي ماهوب للحب لايق


الحب صدق احساس للكذب جالي
من ياخذه لعبه نسميه بايق


مغليك يفطن لك لو عزالوصالي
نبضات قلبه تخبره إنك ضايق 


بقلمي
ان فاتك أمر(ن) و انت جالس تمنى
لا تشتكي من الوقت و انت المقصر


القمه ما هي بالتمني اتسنى
على الفعل شد العزم تبني القصر


إذا بغيت الأمر قم له تعنى
الصخر ينزاح بكسر ما هو بالعصر


بقلمي

الاثنين، 10 يونيو 2013

لا تنتظر مني أقول لك و لا شي
لا ضقت من صوبك ترى بشتكيلك


من عندي غيرك يا بعد ميتي و الحي
لو نختلف ما يمنع إني أجيلك


انت الهوا و الماي و انا لك الفي
ما تلقى مثلي و لاني بلقى مثيلك


بقلمي
النبض يزعل و المشاعر تضايق
و الحرف من حر الوجع ينظم البوح


يا موق لا تبخل عليك الله سايق
اطفي لهيب(ن) بالحشا سبب النوح


يا لايمي بالوجد ماني ببايق
حب الشرف ما يعيب نبني له صروح


ما عاد قلبي اليوم للبعد طايق
و صبري مع شوقي ترى مزّع الروح


بقلمي
مهما قسى قلبك و زاد العنادي
أبقى الحبيبه و انت بالقلب محفوظ


ما شفت مثلك بالحضر و البوادي
أنا اشهد إني في محبتك محظوظ


بقلمي

السبت، 8 يونيو 2013

أمسيت و الخافق يدندن حروفك
و يطلبني الإحساس نبضك أصوني


و من شوقها عيوني تخيل طيوفك
و من خوفي لا تبعد أغمض جفوني


هذي الحقيقه عايشه في وصوفك
لو تبتعد دارك طيوفك يجوني


لا يا عديل الروح بدّل لي خوفك
قلب(ن) ملكته حبكم ما يخوني


أدري بأنك ذوق و محد(ن) يعوفك
راقي و تبدع بالمثايل فنوني


وتدري غلاتك ساكنه وسط جوفك
و ما يوم بك خابت يا روحي ظنوني


بس اتمنى لو تعسرك ظروفك
عن وصل غيري ثم يجوا يشتكوني


تبي الصراحه مابي غيري يشوفك
و الغيره تشعل في خفوقي جنوني


بقلمي
وش له سؤالك ليه أناظر لعينك ؟
هو أنت خايف تفضح أسرار حبي ؟ 


يا ضي عيني عندي علم بحنينك
مهما تكابر أو تحاول تخبي


تدري بيميني طبها في يمينك
و ادري بقلبك غيرنا ما يحبي


بقلمي
رازقك في عالي السما يمطرك خير
و فالأرض لك ينبت من الناس حساد

خل التواكل بالتوكل ترى غير 
أمرك مع ربك يجي ثابت اوتاد
بقلمي
لا تبيع الصمت في بعض الصروف 
لين تعرف وزن حرفك و ثمنه


قدّر النفس العزيزه و الظروف
و من يجادل بالخطا لا تضمنه


بقلمي
من زرع طيب لابد يجني طيب 

هذا الأمر ما فيه ريب
من قال غير كذا
خله بالوضع يتمعن
لابد به خلل
لا و الله إلا أكيد به عيب
قله يشوف الأرض
اللي بها بذر زرعه
هو ما سقاها زين
و لا من الأراضي البور
إن كانت طيبة منبت
يسنمر بسقيها و يبشر بخير
و كانها بور
ترى الخطا منّه
و الخطا مردود
بس خله يعيد النظر 
و يحسن اختياره
و يجني الطيب يومه 
زرع طيب بأرض(ن) طيبه .

بقلمي
ما ظنتي يرحمك و ظنونهم لامت 
يا قلبي ما يفزع لك من ناركم شبي


نامت عيون البشر و عيوني ما نامت
من ناس تضحك بوجهي ثم تغدر بي


ما الومها نفسي لو عن زادها صامت
دمعي دوى همي و صمتي هو طبي 


بقلمي
احترت في وصف المشاعر بالأقلام 
صعبه علي بحروف لاحساسي أشرح


جمعت تفسير المعاني و الاحلام
عيّت تترجم فكري وش فيه يسرح


بقلمي
ريشه شفتها و احيت فيني من الألم أوجاع
و انا احسب يوم فارقته شوق الغلا قد مات 


رميت الوقت في غبه هقيته ما يمر بساع
لقيته غافل احساسي و انهى اليوم في لحظات


بقلمي
شقشق العصفور و تغريده تحيه
و المعاني يا حروفي لك ضنا


مرحبا بالشعر و سطوره نقيه
من زرع حرف(ن) له الكلمه جنا


يا عيون الشعر يا اغلى هديه
رحبي بالشعر و منهو له بنا


جينا نسرد و المشاعر مخمليه
ترجمه لاحساس نبض(ن) له منا


و الضماير شوقها تكتبه ايديه
نرسم الخاطر بنقش بيوتنا


الشعر به نرتقي شاب و بنيه
و في تعابيره نفضفض بيننا


بقلمي
يهديه كل الشوق قلب(ن) يصونه
في صبحهم و الليل يرسل سلامات


حلفت عمري حبهم ما أخونه
و لو دقق العاذل بعشقي ترى مات


كل المشاعر لا ابتعد يحترونه
و ملامحي تكشف لحزني علامات


بين المحاني يعزف أجمل لحونه
و اجاوبه بالهمس و احيان بسكات


أهواه أنا و اغليه و افدي عيونه
و اعاتبه فكري إذا سج لحظات


العمر ما يحسب لنا الوقت دونه
و النبض صوته بالصدر شبه ونات


يا لايمين القلب لآ تزيدونه
يكفيه من فرقاه شبعان لوعات


بقلمي
أهديك مني يا زمن نبض و شعور
فيه التراجم ما تفسر معانيه


تعبت انا اجمع حرفي و اكتب لك سطور
و انت الأمل ضيّعت و تهدم مبانيه


بقلمي
لالا لا تمنعون القلب لا تمنعونه
لا لا خلوه يعشق أرض بلادي و سماها


لالا هذا الوطن فالدم لا ما نخونه
لا لا للأرض تفدى الروح و ذا من غلاها 


بقلمي
أفضل مكان 
تأتمن فيه سرك
هو صدرك 
تحميه بضلوعك
كذا تضمن انه 
ما ينتشر
لا تقول لا ضقت
أحكي لأقرب صديق
دامك ما تحملته
كيف يحفظه الغريب
أقرب صديق لك
بيحكي لأقرب صديق له
بكذا سرك يصبح حكايه
لها بدايه بلا نهايه 
احبس سرك بصدرك
و لا تصدق إن غيرك يحفظه .

بقلمي
طاري السفر ما ابيه لا عاد تطريه
إن كان في قلبك من الشوق ذره


قلب(ن) شرى قلبك لابد انه يشريه
ملزوم يداري بالهوى من يبره


بقلمي 
ودي أقيّم كل حرف(ن) كتبتوه
لكن قوانين و لزوم انتقيّد 


و الحمد لله يوم الاعجاب حطوه
نعطيه من حرفه بطيبه تسيّد


في عالي المرقاب الاخلاق علوه
شامخ لكل الزين كنه ايتصيّد


بقلمي
لمحت فعيونه حزن لو يسرده ألّف كتاب
يحاول معه و يجتهد ما يفضحه بين العباد


من يوم حبه ما انكتب يرحل مع لحظة عياب 
يا عزتي لك يالهوى لا ضعت ما يمكن تعاد


بقلمي
طبع الوفا نادر في ذا الوقت تلقاه
حيث الزمان اللي نعيشه مخادع


بعض البشر تضحك و تهدي معاناه
وقت الرخا معكم بعسرك يوادع


بقلمي
احسب لموعد فيه ما ينفع الصوت
لا صاحت العالم و بي عزوا غالي


يا صاحبي من عاش لابد بيموت
احفظ وصاتي لامن الموت جالي


بقلمي
يكتب لنا الخالق أمور(ن) عديده
و لابد كل انسان قدره يشوفي


و آراء من يحكم بعقله سديده
بالحق كلماته تشابه سيوفي 


بقلمي
دينك يصونك يبعد الشر عنك
و سنة نبيك ترتقي معها الاخلاق

بقلمي

الأربعاء، 5 يونيو 2013

رهنت قلبي عند قلبك أمانه
و اخذت وعد الفك يوم المماتي


ما احد(ن) شريك(ن) لك و يملك ميانه
انت الوحيد اللي عطيته حياتي 


يومك حفظت الود لك شوقي صانه
يا بعد روحي مالي عنك غناتي


لولاه ربي قلبي فالبعد عانه
وكاد كنت اليوم تقرى وصاتي


يا صاحبي احذر طريق الخيانه
ما ينفعك تندم إذا الوقت فاتي


لا ترضى في يوم(ن) لخلك اهانه
و لا تستمع هرج(ن) يجيبه وشاتي


حبك ما يخفى و انت تعرف مكانه
و ادري بوسط القلب مسكن غلاتي


بقلمي
برضى بحكمك يا إلاهي و اطيعك
و ادعيك ترحم حال من تاه فكره


كيف الذي بعمرك شريته يبيعك ؟
يسقي قلوب الكل و يحرمك قطره


بقلمي
ودي أحكي 
و المعاني ما تطيع
كل حرف(ن) أجمعه 
يجحد شعور
في خفوقي اجتمع 

شوق و عتب
و الملامح راسمه 
لهفه و حنين
نبض قلبي 
ينطق احتاجك أبيك
و وسط شرياني 
صرخ دمي اعشقك
عاجزه كل التعابير 
اعتذر
و ما يفسر
غير صمتي 
لك هواي .

بقلمي
بهتان يطمس لك أدلةحقايق 
يخفيها لو كنت بعيونك تحدق 


دامك لغيت العقل ضاعت وثايق 
مسكين من قول الخديعه يصدق


بقلمي