الجمعة، 27 أبريل 2012

سلام الله يا طيّب تميز بالعقل له طبع
يحاور شامخه نبراس تسعى دوم للعليا


بيوتي موهبه و احساس لامري تلتزم له سمع
نرقى للنقا مرقاب صيت الطيب به يحيا


بقلمي

الجمعة، 20 أبريل 2012

يا دمعةٍ بالعين وشهو اللي ضامك ؟
قولي لنبض احساس زادك شقاوه


عذبتني يالقلب الأقشر علامك ؟

ودي و لو مره تصيبك قساوه



يا طيبٍ بالقوم عالي مقامك
باخلاق لك أهدت وسام النقاوه



بعدك عن الشينات دامه مرامك
قل للكدر ما له بوسطك فضاوه



بقلمي


 
أنا و الله علي شاهد

ما ودي أضايق أحد

لكن ما باليد حيلة

ما كل شي نبيه نحصل عليه

و الناس غلطان من فكر إنه يقدر يرضيهم كلهم


لكن الله كريم و رحيم بعباده .

بقلمي





 

الجمعة، 13 أبريل 2012

لا تنشد المجروح سبة دموعه
و من جاك يضحك لا تكدره بالنوح




درب الأمل تضوي حياتك شموعه
شد العزم مكتوب ما جاك باللوح



كانك تواكل عذر نفسٍ جزوعه
بربك توكل تبني لك مجد و صروح


بقلمي
لا تقول الوقت ما عاد يمديك
مد اليمين و شوف كم يدٍ لك تمد



لا تلتفت صوب من عنكم صد
لا تتبع المقفي و من شاح عنك الخد



و اياك ثم اياك تذكره يومٍ بشر
دير بالك ترى كلنا بشر
نذكر لنا كلمة و بلحظة تنشر خبر
كلنا بشر يا صاحبي كلنا بشر



من خالف الشور في حق
لابد يجي يوم و يعرف الفرق
بين من جامل في كلامه و من في قوله صدق



في هذاك الوقت بالك تصد
لا تعامل بالمثل و تبني بينكم سد
و اعرف ترى كلنا من طين ما حد زايد على حد
سامح و لا تشد
و من مد لك يد لا تبخل و يدك له مد .



بقلمي
أمك على راسي لها القدر مرفوع
منها الخطا مدموح لجلك حياتي


لو انزعج عندي اتا الأمر مشروع
لك مني الطاعه لها لا تحاتي


وجهك أشوفه في محاياها مطبوع
ما اخطي و هذا خذه مني ثباتي


قولٍ من امي احفظه بين الضلوع
أمه لها حشمه و ذي لك وصاتي


يا ضي عيني قلبي لو كان مشلوع
ما اخالف امرك حتى ساعة وفاتي


بقلمي
حبيت أوجه كلمه لخاطر الروح
لا تستضيق الجرح ما جاني منك



وش عاد لو دمي غدى اليوم مسفوح
من سبة ظنونٍ تجى غصب عنك



لك العذر مني على الدوم مسموح
و الله يعين القلب من زود ظنك


ارفق بحالك مالي بالشرح مصلوح
أدري همومٍ جتني لابد جنك


بقلمي
أتعبت نفسي والعرب طبعهم شين
أطلب مشوره ولا لقيت النصوحي




يا عين هلي عبرتك لا تهابين
خلي دموع العين تغسل جروحي



بقلمي
الإنسان تحكمه الظروف

و أحيانا تجبره على التجريح

مجبرا لا مخيرا

فالتمس العذر لمن جرحك

إن كنت متأكدا من معزتك لديه .

بقلمي
هرج القفا يذبحك من دون سكين
خذ الحذر لا تشترك بالمذابح


بقلمي
المعاني تعاتب و الحروف اشتكت
و السطور الحزينه تاه مدلولها



و التعابير عيني من سببها بكت
و اسرحت في خيال الفكر بلحونها



بقلمي
ناديت انا الاطياب و لبت ندايا
و اهدتني خلطة مسك مع عنبر و عود



قدمتها للي له الطيب رايا
أبوي تاج الراس و رضاه منشود



إن اصدر امره روسنا له هدايا
يبشر انا و اخواني نوقف له جنود


بقلمي
بدأ اليوم و انتصف و يسير نحو نهايته





و معه نبدأ و نستمر دون كلل أو ملل



نأمل من خلال محاولاتنا



تحقيق الأحلام



نختلف كبشر في سبل النيّل منها



قد يجتهد البعض من أجل الحصول عليها



و البعض تتهيأ له دون جهد .



بقلمي
إن جاك شوقي عاتبٍ لا تحاشاه
و ان ضقت تكفى عني بالك تعدا


يفداك كل منهو لقلبي تمناه
مع خاطرٍ يغليك لك باح سدا


بقلمي
قال لي :

الدنيا جميلة


قلت له :

بإذن الولي
دامك معي
ما به هالأمر شك

بس لا تبتعد
ترى بعدك ماني بخير

لولا رحمة رب العباد
و إيماني بإنه لطيف بعباده
ما تجي و تلقاني .

بقلمي

الخميس، 5 أبريل 2012

قالوا علامك ما تجيب المعاني
قلت التفاسير العديده تردّه


إذا بغيت انطق تلعثم لساني
من رعب فكر الناس فمي أسدّه

بقلمي