فيك الوصايف تجمع الصعب و اللين
في كل موقف حكمتك تفرض الراي

بقلمي

أتل ونه من وجع مزع الروح
سبت تجاريح البشر دون تبرير

و زاد الونين اليوم فتّق لي جروح
سؤال ما يوفي لاجابته تقرير

حبست سطر(ن) ودي ابني له صروح
يوم(ن) طعن في غزو ما جاه تحرير

بقلمي

ودي بحرفي انقش اسمك و ازخرف
و كل ما جمعته و ابدي أرسم تبعثر

يوم(ن) سألته ليه ؟ ودي انا اعرف
يقول له هيبه سببها اتعثر

بقلمي

أبطى عسى ما شر يمنعه عنا
صاحب يمد العون في كل الاوقات


لا ضقت و جيته حقق اللي تمنا
يالله عساه بخير فخر الصداقات


بقلمي

 

الصبر لامنّه حصل بين خلين
لا تحسبه ينقص من القدر و الشان


يستاهل المحبوب ترخص له العين
دوم الغلا يدمح لزلات الانسان


بقلمي

 

إن جاك ناقل للهروج الرديه
إقطع عروق الوصل بينك و بينه


و احذر من أرضه دايم(ن) هي طريه
لا تامنه لو مدها لك يمينه


بقلمي

 

أكشف خفايا النبض من نظرة العين
و اعرف مشاعر خاطرك دون تعبير

احذر تغش احساس قلبي بسطرين
أنا ادرى بك لو صار بالحال تغيير

بقلمي

نهل عبرات الألم في غيابك
و لحظة حضورك بسمتي تخفي الدمع


مابي تضايق يوم انا ابدي عتابك
مسموح و زلات الغلا تذوب كالشمع


بقلمي

راحت من الذكرى دلايل جحودك
و لا عاد به باقي سوى طيب قلبك


يا مكمن الاحساس احفظ عهودك
و انا على وعدي للوجاع طبك


بقلمي

 

يهولك بفعل(ن) على البال ما مر
و يهدم مفاهيم الغلا و المعزه


صاحب مخادع يقلب الخير لك شر
حتى يباعد عنك منهو تعزه



بقلمي

 

ناهيك كم مره و لا تسمع الشور
ما كل من يضحك لكم نيته خير



بقلمي

هذا الزمن


يبي تكون قوي الباس


و انا ما امتلك غير


طيبة القلب و حسن الظنون





و هذي بضاعه خاسره


ما يشتروها الناس


بقلمي

يسأل و اجابت ما سأل عارفينا
أنا شموخي ما يجي له على الكيف


منهو يبينا بالعقل هو يجينا
ديمه و نستاهل مشاعر بلا زيف


بقلمي

 

طيب النسايم مع صباحك يجي بالخير
يشرح صدر مغليك و يزيد من شوقه


لو تبعد الايام صعب الدروب تسير
يا معاند احساسك دمعك جرح موقه


حرفي يجي باوراق رتبته بتسطير
نقش(ن) غلافه ذوق لك خص انا اسوقه

بقلمي

أهتم باحواله و لي زاد الهموم
ما يقتنع بالقول و يعصى النصايح


بقلمي

يزعجني بعض احيان تغريد عصفور
أحسّ نبراته ونين(ن) و آلآم


كنّه يقول مّكدّر الحال مقهور
يصرخ من اوجاع الزمن صار منضام


عزي له الكل يحسبه شقشق سرور
ما يدروا ان الحزن بالطير قد حام


بقلمي

يهمل مشاعر بالحكي يجرح الروح
و يطالبك باسلوب تلزم به الذوق


عجيب منطق هالبشر زاد الجروح
حسن الظنون يعاب و العذر محقوق


بقلمي

يا مقاطع القيفان يا اصعب حروفه
بيوت الشعر تنعى تصاوير الاحساس


السطر يبكي و المشاعر تحوفه
تخفي الدمع ما ودها يصيبه الياس


بقلمي

إهانة المشوار تقليل شانه
بزلت لسان(ن) ما تقدّر معاليك


ينسى المخاوي لك تعبكم عشانه
بعض الرفاقه صعب طبعه يخاويك


لو ترخص الغالي لرفعت مكانه
يتعبه مرقاب الغلا لو يجاريك


بقلمي

أعجبني تغريده و هيض شجوني
طير(ن) على غصن الشجر يصدح الحون

جيت أسأله و خيّب هقاوي ظنوني
قال البشر تنسى و لا عاد تطرون

بقلمي

رتبت فكري لجل خاطر عيونك
أبيك لا ناديت لي قلت لبيه


نظمت قافي وادعي ربي يصونك
لا ما نسيتك جعل من قال نبكيه


بقلمي

يا غــلا كفي دموعك لا تزيدين الهموم
قالها خاطر تعومس هد حيله بعدهم


شب بالخافق لهيب و زاد به ريح السموم
نوح مع فكر(ن) خياله عيا ينسى ودهم


بقلمي

تسألني


ليه أناظرك و أبتسم ؟
ليش ينطق
احساس الحزن عندي
رغم صمتي ؟


بسمتي لأني فرحانه بوجودك
و الحزن يجيبه لي
الخوف من فقدك


أنا بعد ربي مالي سواك .


بقلمي

 

ناديت باسمك و العرب حاضريني
كنت احسبني جالسه بس لحالي


الله يسامح طيف دايم يجيني
أنسى الاوادم معه أعيش بخيالي


بقلمي

نكتب سطور(ن) حبرها من دموعي
خطيتها بعروق قلب(ن) تمزع


باحساس مر(ن) وسط كبدي يلوعي
بدى انتشاره في حشايه توزع


كل ما نهيت و قلت تكفى يفوعي
يقول بعض الهم صعب يتزعزع


بقلمي

إن جاك من صاحب عتب لا تحسس
ما يصّدقك غير الصديق الصدوقي


يخاف من عاذل عليكم تجسس
يظهر وداد و في وعودك يبوقي


بقلمي

إن كان ما ودك تقدّم معاذير
خذ راحتك خلك يقدّر ظروفك


خل الأمر يمشي بدرب التياسير
يفداك جرحي دام عيني تشوفك


بقلي

يمكن يجي بالهرج شك(ن) و ريبه
فاحرص قبل تحكم تأكد من النص


بقلمي

الله يقبل دعوة الخير للغير
و يجازي الداعي من الفضل رحمه


بقلمي

طريقك لا تماشي فيه من يتعب مشاويرك
تخيّر قلب ما ينّطر على الزله يجافيكم


بقلمي

رهنت روحي و المشاعر و الاحساس
مع نبض عرق و قلب بين الحنايا


لمن ملك شوقي و حبه بلا اقياس
مني احتوى فكري و عقله معايا



بقلمي


 

له بصمة(ن) شوقي تهيض شجونه
يفز من شوفت سطرها فؤادي


بقلمي

حييت يا نبض(ن) على القلب غالي
ما نرخصك و بعالي السوم نشريك


بقلمي

يا صادق الوجدان لا تختبرني
لا تخفي حروفك و تبخل علينا


أدري بشوقك فالحشا ينتظرني
و تدري المشاعر عنكم ما سلينا


بقلمي

 

نهديك من عذب المعاني تعابير
مع صادق الإحساس يروي المعاليق


بقلمي

نادى الفؤاد و جاوبه حس عاجز
عيا لبعض الطبع يفهم و يقبل
بقلمي

يبني المعاني فكر باحساس و شعور
أسس له الواقع و نسج الخيالي


حتى يجي التعبير و ينقش له سطور
و يصور لوجدان شامخ و عالي


بقلمي

إفهم قبل تسرج لسانك في ميدان
إنك إذا صنته تجنّب إهانه


اسبق لمعنى الطيب و تفوز يا انسان
مضمار حرفك لا تدنّي مكانه

بقلمي






 

الكلمة

أحيانا ظاهرها يجرح
مع إن اللي قالها ما يقصد التجريح
في ناس اسلوبها جاف لكن قلبها طيب
الكلمة عشان تفهمها
لا تكتفي بالسمع بس
شوف وجه من ينطقها
لأن تعابير الوجه هي اللي تبدي لك الخافي
منها تعرف وش المقصد من الكلمة
هل هي عابره أو التجريح قاصده
ما دمت ما تنظر لعين محاكيك
لا تظلمه و تقول جارح .
بقلمي

لك بالمعاني كلمة(ن) ما تثنّى
تعبيرها يشبه وضوح التصاوير


يصوغها اسلوبك لنبض(ن) تسنّى
بحروف ما تتعب معك بالمشاوير


وصف المشاعر حسها ما تعنّى
تنقش لها رسمه كزهر النواوير


بقلمي

مد اليمين اللي لها اليد مديت
خلني اسير الدرب يازين وياك

دامك على درب السنع ما تعديت
أبشر بنفس(ن) طيبه ما تعداك


بقلمي


 

لك بالضماير نبض شوقه يناجيك
أمنعه عنّك غصب يا ضي هالعين

ما ودي يوصل ثم اكدّر معاليك
أبنتظر حتى يجي خاطري زين

نعم زعلت و مابي اليوم احاكيك
و بأجل اعتابك إلى بعد يومين

ما ابغى بكلمه أجرحك ثم أواسيك
تهدى النفوس افضل يجي بالحكي لين

بقلمي

اعرف قدر نفسك و تكسب رضاها
و من اقتنع بالأمر فاز بكنوزه

بقلمي

قك ما تجي لك بالمعاني الصحيحه
و ان شلت نقطه فك عجز التعابير

بقلمي

هه إذا شديت في وسطها الدال
تعطيك فعل امر(ن) لمن خان هدّه

بقلمي

يا شارد التفكير وش عاد به زود ؟
ما يرد لو تذرف دموعك سكايب


إما دعاة(ن) تجلب لصاحبك فود
أو يا خساره ما تفك الصعايب


بقلمي

أهرب بنظراتي عن مشاهد العين
أخاف لا تكشف عيونه دموعي

يفرض عليّ الجيم لا قدّم السين
و تخنقني العبرة و همي يفوعي


مبغا  يجي من سبتي خاطره شين
غالي تمكّن وسط حدب الضلوعي


بقلمي

لا تناظرني بخوف و تختفي
مابي شر(ن) بإذنه الله الكريم

هي صخونه كم يوم و تكتفي
ترحل و حالي يجي طيب سليم

و المشاعر من فرح بي تحتفي
و تشكر لخالق بحالك هو عليم

بقلمي

إن جيت تحكي عقلك اسلوبه يجيد
يتبع مفاهيمك و لو ما تكلّم

ينقل لك المعنى على كيف ما تريد
تفكيرك اللي من دروسك تعلّم

بقلمي

عشقك إذا بدّل غرامك بثاني
لا تدمع عيونك عليه أو تألّم


من قالها لك ما صدق بالمعاني
وكاد ثبت من الهوى ما تعلّم


كيف امنع دموعي إذا الحظ شاني ؟
و تفتيت قلبي عقبهم صعب يلّم


هرج القفا يذبح مع الوقت يباني
من صدّقه خسران و لو ما تظلّم


إن كان خلك فالحشا له مكاني
لا تسمع لغيره إذا ما تكلّم


بقلمي

يا صاحبي فقدك جرح خد غاليك
و ادمى فؤاد(ن) ما يدوّر بديلك

و بالحلق غصه خطر تذبح مجافيك
من كسر خاطر بالهموم ايعديلك

إن كنت تسمع فالمعاني تناجيك
يسوقها شوق(ن) منعته يجيلك

أمشي على جمر اللظى و لا أحاكيك
لو شف كيفي كم تمنى ايعنيلك

و الجم للهفة نبض باسمك تناديك
و لوجعني حبك صحت يالله دخيلك

بقلمي

سلام مني عد ما تنبض عروق
عد الحجر و الرمل و اعداد الانفاس

عد ما سطر بالحرف من خط منطوق
يا من بعث في خاطري أجمل احساس

طمنت قلب(ن) كان همه كما الطوق
من حرقته كنه على الجمر قد داس

معذور من خوفه غدى الفكر مسروق
جالس مع العالم و ما كن به ناس

و اليوم من فرحه يغرد به الشوق
ينظم مشاعر وزنها صعب ينقاس

يشيلها بطرق(ن) لكم لحنه يروق
يا حب ثابت بالمعاليق له ساس

و يشاركه بالصوت عصفوره الذوق
يالله عسى ما عاد بالحزن نحتاس

بقلمي

يا صاحبي لو تجافيني
حبي سرى في شرايينك

أتعبت لي ناظر العيني
و انا اتتبع براهينك

يا شف قلبي يا هاويني
يزيد من همي ونينك

ما غيركم ضي لسنيني
لا تشتكي الله لا يهينك

لو كان ما به عناويني
الشوق يوصل لي حنينك

دعيت رب العالميني
جعل السعد فال لسنينك

أشريك يا من لي شاريني
و ارجي عسى المولى يعينك

انا مثل منت هاقيني
ما اخطي و على حطت يدينك

بقلمي

أتمنى أن أطمئن عليك


لكنني لا أعرف كيف ؟


فترة وجودك منها استمد القوة


لا تستغرب


نعم أنا قوية و يمكنك الإعتماد علي


لم يتغير شيء


مازلت أنا من تعرفها


شخصيتي لا تتلون و لا تتبدل


و لكن كل ذلك لوجودك معي


و في ابتعادك احساسي بك يمدني بالقوة


أدعوا الله أن لا يحرمني وجودك .


بقلمي

لا تشكي همومك على القوم

أخاف تبلش بسفيه(ن) يكثر عليك اللوم

الصبر طيب و انت نسل القروم

احمد الله و لا تقنط من رحمته .

بقلمي

( و - ح )
وحشني قلب(ن) لا تضايقت جيته
صادق بنصحه ساكن(ن) في حشايه

بقلمي

( ي - هـ )

طمس المشاعر ما يجي كالتصاوير
ما ينمحي الاحساس لو تطمسونه

بقلمي

أبسألك و ان كان مابه إجابه
لا تكترث عادي ترى الأمر مسموح

هو العقل دربه يجيب الكآبه
من سار به يرجع من الناس مجروح ؟

بقلمي

لا تحسب انك جرحت الطيب في صد عينك
أدعي الله يعينك كيف تقدر تناظر ؟

نحفظك ما نخونك جعل تسعد سنينك
و درب منّت بخليله ماتجي به مناظر

بقلمي

يا طير يومك لي تسمع ليت تفهم كلامي
كنت ابهرج عليك و منك باخذ نصيحه

صوتك الشادي هيضني و جدد ألآمي
رافقه هاجس(ن) أوجعني ربي يبيحه

ليتني معك انا اقدر بس اوصل سلامي
أو أطمن قليبي قبل يسكن ضريحه


تاه حرفي عن التعبير وسط الزحامي
بين فكر(ن) حاير(ن) مع مشاعر جريحه


ليت ترفق يا طير الناس تسأل علامي؟
لا تستبيح الدموع و تستثير القريحه

الصمت ما هو عجز و النور يطمس ظلامي
و الخير تشرق شموسه بالنفوس الصريحه

إصدح بتغريدة(ن) يمحي صداها الملامي
و اهديك مني تحيه طيبها فاح ريحه

بقلمي

و الله أحبك يا منتدايا يالغالي

و لا شفت مثلك يا تعب قلبي موقع

حسبي على من حسدنا و سبب ابعادي

و خلاني اشعر بضيقه كل ما شفتك


بقلمي

في زمان الصمت

لا تطري الشوق

لا تحرق حروف المشاعر   بتعبير

لا ترسل سهوم الغلا من عيونك

لا تذبح عشيرك من نظرةٍ ما بها فود

لا تشكي فراق و لا تكثر النوح

لا تشره و لا تزيد باللوم

عيش المقدّر و ارضى بالمقسوم

اذكر على الدوم و اياك تتناسا

من يغليك قلبه

لا يمكن يعاديك عقله

تبقى غلاه

و ان ابتعد ما يذكرك غير بالخير .

بقلمي

تزعجني أراء(ن) تجي دون تفكير
من ناس ما تفهم لسانك حصانك
بقلمي

ترى الأماني معها بالعزم قوة
ترقى الجبال العاليات بشموخك

بقلمي

تكدّر الخاطر معي اتعبت الانفاس
يوم(ن) كشف حرفك بأنك تعاني

شعوري بك تايه من الفكر محتاس
شب الجمر بالجوف و همي احتواني

نيابة(ن) عن منطق(ن) صعب ينقاس
لك اعتذر عن عجز حرفي و لساني

بقلمي

جيت لمكانك أتحرى حروفك
أبطيت و احرجت الدمع في عيوني

صمدت فتره ثم جتني طيوفك
و أزريت انا احبس دمعتي في جفوني

رسمت في فكري ملامح وصوفك
و سألت كيف احوال منهم نسوني ؟

عسى السلامه في دروبك تحوفك
دعوة غـلا من قلب حبه يصوني

بقلمي

ينساك ضيق الصدر و الهم و النوح
و يجزاك ربي دوم بالخير كله

هذي رجاوي القلب يا منية الروح
و عساك طيّب خالي من كل عله

بقلمي

جوابي يستثيره سؤالك


فإن كان لابد من الإجابة


أرجو منك سعة الصدر


السؤال الغير مباشر يثير أعصابي


فلا تنزعج


من نبرة الغضب المرافقة للإجابة


فإن كنت مصرا فجوابي هو :


لا جواب


فمن يسأل و هو يعلم الإجابة


إنسان لسنا بحاجة لأمثاله .

بقلمي

عبير الإحساس يفوح طيبا


إن كان منبعه من دون زيف


يتغلغل إلى الوجدان بلا استئذان


تنموا معه زهور المشاعر


فتسود الرحمة في الكون


فنرى صروح المحبة تبنى


تنتشر معها السعادة


نقضي و كلنا أمل على الحقد .

بقلمي

إن كان ودك بالدروب الصحيحه
الاستعانه لا تجي غير بالله

بقلمي

بهديك ورده من جناين حنيني
غلفها شوق(ن) لك تعطر بطيبي

بقلمي

بعض البشر تحتاج منها تحذّر
منطوقها كنه لسيفه يسله


أهمها تقبل أسف من تعذّر
الناس تخطي بعض الاحيان زله


بقلمي

رأيت


النجم يسامر الساري

و هو يناجي ضوء القمر

في هدوء الليل يسري

يحمل معه اشتياقه لشعاع الشمس

فما أن رآه حتى احتوته السعادة

فالضياء بعد الظلام

يبشر باليسر بعد العسر

هكذا هي الدنيا

لا استمرار لأمر على منوال واحد .

بقلمي

يبدأ الخط بنقطة


يبدأ الطريق بخطوة

و تبدأ الحياة بصرخة


دعونا من النقطة نرسم خط الطريق

لتسير عليه الخطوة

و هي بأعلى الصوت تصرخ :

لن أيأس و لن أتوقف

لن أرضى بالفشل

الحياة دروس منها نتعلم

لا تنتهي بكبوة .

بقلمي

كيف يعيش الإنسان و حيدا و هو بالطبع اجتماعي ؟


لماذا يرفض نصائح منها الإستفادة أكيدة ؟

لما يستكثر الفرحة على من لم يضروه ؟

لماذا ؟ و لماذا ؟ و لماذا ؟

أسئلة عديدة بلا إجابات

بالرغم من ذلك ظن السوء مستبعد

و سأخلق لي إجابة و إن لم أقتنع بها

هي أن عقلي المحدود لم يستوعب .

بقلمي

طلب


دائما تبدأ الأمر بطلب


لما الغضب , لحظة ابتسامتي عند الطلب ؟


هل يستفزك احساسك
بقدرتي على قراءة أفكارك


ألم تتيقن بعد من أنني معك
لا أحتاج لحروف ؟


يا رفيق العمر


أنا درستك وحفظتك
ولذلك أنجح دائما بالإختبار
فأبتسم فرحا


ألا يحق لي مكافأة نفسي بابتسامة نجاح .

بقلمي

واقع نعيشه بعقول باتت لا تفقه ما يدور به

تعددت المفاهيم و التعاريف مختلفة

لا تجد من يشرح لك بلا غموض

أصبحت الأسئلة إجابات لأسئلة

لا إجابة بها يرتوي عطش المعرفة

تبا للأقنعة كم شوهت الحقائق .

بقلمي

دلالة حالك يكتشفها الناظر إليك

إن كان لديه من الإحساس ذرة

فالنظرات الحائرة تفضح ما تجتهد لإخفائه

العيون تنطق بصمت و هذا أمر مؤكد

و القلب يقرأ الإحساس و إن كان بلا حروف .بقلمي

حماس الرغبة في الإنطلاق


لا يقف أمام طموح من يحاول عرقلته

عقد مع الأيام ميثاقا

و هو يعلم أن خيانته مستحيلة

اتفق كل منهما على السير معا

جنبا إلى جنب

يتخطون بثبات كل الصعاب

يستمدون طاقة الإستمرار

من صدق الوعد و صفاء الأمنيات

لا خداع و لا تزوير بالإحساس

لأن المواثيق التي أبرمت

بين الحماس و الأيام

نقشت حروفه بحبر النقاء .

بقلمي

شوق المعاني للتعبير لا ينتهي

به تجمع الحروف لتكتبها كلمات
منها الجمل تتكون فتشرح الإحساس

لا حياة للشوق من دون معنى

و لا حياة للتعبير من دون حرف .

بقلمي

رأيت أمام عيني قسوة القلب

حاولت أن أنطق للدفاع و رفع الظلم

اتهموني بالكره

اختنقت الحروف من عبرات حبستها

فازداد غضبهم و أضافوا لي

تهمة جديدة

اتهموني بالعقل .

بقلمي

سوف تشرق الشمس

سوف يسطع نورها

سوف تتفتح الزهور لاستقبال أشعتها

لن يمنعها من الظهور إغماض العيون

فانظروا لروعتها و اتركوا العناد .

بقلمي

وعدك لي بأن تصل

لن يتحقق بلا اصرار

فبداية الطريق تبدأ بخطوة
فإن لم تكن مجتهدا لن تتلوها الخطوات

لا تتمنى و تنتظر من الزمن تحقيق أمنيتك
الأمنيات تمر في الحياة كأسراب الطيور العابرة
تحتاج للمثابرة لتقتنص منها ما تستطيع

بقلمي

تهتز صوره و يتلعثم لساني
و الحرف من حبسه يولع حريقه

تاهت مفاهيمٍ و ضاعت معاني
بذا الزمان اللي تعسر طريقه

بقلمي

بعض العرب إن جيت تبغا يعينك
يصبح لقاهم كالسراب بصحاري

بقلمي

الحبيب اللي يودك ما يجي يوم و يخون
ما يصدق فيك كلمة و يرخص العمر لعينيك

بقلمي

طبع القناعه كنز يغنيك و تعيش
طول العمر مرتاح تغبط ما تحسد


بقلمي

نيابةٍ عن خاطرٍ كم جرحتوه
الله يسامح كل عاذل للاحساس

ماهو بشاكي و لاهو قايل ظلمتوه
ربه وكيله عالم بخافي الناس

بقلمي

ومضات تبني للحقايق دلايل
و العقل نعمه نحمد الله عليها


بقلمي

الشور به نلتزم و نسير
و نردم فتن تعترض دربه

مقصدك يلعب به التعبير
و تفسيره الفكر  هو طبه

بقلمي

انسى الشكاوي و اطلب الله يعينك
و ضيق الصدر ينزاح و الهم يبعد

بقلمي

إن كنت ما تسأل و لا تسمع الشور
في ذا الزمان الله يعينك علي السير

بقلمي

قال :

صباح الخير
يا وجهٍ رغم الحزن يبتسم

قلت :

صباح النور
يا وجهٍ من دونه بسمتي ما ترتسم .

بقلمي

ودي أصيح بعالي الصوت يا ناس
و الله حرام الأم تذرف دمعها

يا شين وقتٍ ما رحم دمع الالماس
يومٍ تون لآآه محدٍ سمعها

يومٍ لمحت الحزن فالعين محتاس
حرفي تعابيره تشتت جمعها

عزي لها طعن الضنى كنه الفاس
يقطع شرايين الحياة من فجعها

بقلمي

 

إن كان ترضاها قسا و حبوس
حياك نحسبها و نحسمها

و إن كان مغزاها رضى لنفوس
حدٍ لعلياها بيهدمها


بقلمي

جرة قلم و الحبر من ماي عيني
سطرت به حرفٍ فرح من حضورك

بقلمي

ينصر عباده خالق الكون ربي
ما نرتجي رحمه من انسان مخلوق

بقلمي

مل القشر و اعلن من الذنب توبه
و بعض البشر عيا يرد المظالم

بقلمي

ومضه تجي بلحظه و تنعش لك الروح
تبعث شعاعٍ للأمل يبني ابداع

بقلمي

يدعي لك المخلوق لا جيته بخير
فاحذر دعاة اللي من الحق محروم

بقلمي

دعيت رب الناس سرا و جهرا
يزيح همٍ بالحشا خانق انفاس

بقلمي

درب فيه الندامه يبدعك ربي عنّه
و في طريق السعاده يا عسى دوم اشوفك

بقلمي

ينهاك عن ضيق الصدر عالي الصيت
صادق وعوده ما يخون بصديقه


اتبع كلام النصح ما تنّفعك ليت
و اسمع لصوت العقل يكشف حقيقه


لا صار ربك ما كتب ما تمنيت
وش له تولع في حشاكم حريقه ؟


بقلمي

 

بالك تعذرب في ردودي و الالفاظ
لو درت كونك ذوقي ماكو مثيله


إن كان فكرك نايمٍ حان الايقاظ
الطيب طبع من السلوم الأصيله


بقلمي

الاشخاص تبني للتعامل مباني
بعضه متين الساس و بعضه هزيلي


احرص على السمعه ترى العمر فاني
إن ما سما صيتك له الوقت يزيلي


بقلمي

صمت و يمر الوقت من عمر خلّك
تمضي به الساعات صافن لحاله


يسامر بتفكير هاجس يدلّك
غيرك تعثر لا يجي في مجاله


يمكن يطيب احساس صادق سكن لك
يحفظ يمينه و الجفا ما طراله


أبعدت قلبٍ فالأصل هو محلك
يومٍ عجز بختي يقربّ مناله


هذا الأكيد و صاحبك ما يملّك
وحدك تملّك خافقه مع خياله


بقلمي

يا من يحاكي خاطري في حروفه
أرويت نبض الشوق من حلو سردك


جاوبت عشقِ مبعده عنك خوفه
جعلك تهنى و ما يجي الحظ ضدك


لولا المقدّر و احكمت به ظروفه
ما فكر يجافيك يوم أو يردك


حافظ مقامك فالعلا وسط جوفه
و غلاك شامخ ما يجي حد قدك

بقلمي

يا ذوق لا تعتب و تتهم صويبك
تراه كل يومٍ من الشوق محروق


ابدى الصباح بدعوة الله يجيبك
و انا بقول آمين يا منية الشوق


بقلمي

قال البشاره قلت تفداك روحي
هات الخبر ما عدت انا اقوى انتظاره


بقلمي

إيمان قلبي بالمحبه صدوقي
يتبع مشاعر ما تجيب التحاسيف

و حرفي بريح الطيب خيله سبوقي
ينظم تعابير الغلا لك بلا زيف


بقلمي

إن جيت أكتب الموضوع

تاهت من العبرات التعابير

و ان جيت أسرده

يعجز لساني عن البوح

يا نظرةٍ تكسر الخاطر

يا همسةٍ صوتها مبحوح

لا تزعجي عزف الآهات

بعسفها بالحان فرحانه

ابعثي من شوقك المحبوس

شعاع ينور مدينه

ارسمي من نسيج التفاكير

للأمل صوره مضيئه

لا تردك عن أمانيك التحاسير

ما خاب من ربك عوينه

خليني أكتب الموضوع بابتسامه

لو كانت المشاعر حزينه

انظري للأرض البور

شاهدي رحمة المعبود

كيف بعد الموت أحياها ؟

اسمحي لي بالتفاؤل بكتب الموضوع

لا تحرمي قلبٍ يحبك و لبسمتك به شوق

من فرحة اللحظات و الثواني معدوده

لا تندمي

لا تلبسي الحزن على ما فات

لا تحسبي طول العزى بيرد لك من مات

ترى الأمر سويعات و يمر  .

بقلمي

حرفي يعبر عن مشاعر احساسي

و من وافقت نبضات قلبه حروفي


يشرفنا حضوره


بقلمي

ماني من اللي لا بكت عينه تشره

و لو مرت ليالي و العسر ما تيسر

ما اجيك اشتكيلك

هذي هي الدنيا تعطينا السعادة

و تختبر بالحزن قوة الإيمان

طبع البشر خابره خالق الإنسان

و من رحمته أهدانا نعمة النسيان

هي و الصبر علاجنا في بعض الاحيان

إذا تمكن فينا الياس من قرب الأمان

بقلمي

انزاح ضيق الصدر بديار خلي
و قلبي أحسه طايرٍ حيل فرحان


بقلمي

همي نفيته يوم ربي لطف بي
و علي تفضل في إجابة دعائي


الحمد لله خالق الكون ربي
محيي الارض الجدب بارسال مائي


بقلمي

جيت الديار و تاه من الشوق فكري

و احتارت الأنظار لأي صوب تنظر

هلّت طيوفك و ابتسم غصب ثغري

عجزت أخبي فرحتي و انا اتنفس نفس الهوا

و احرجوني من معي , بطرح السؤال المشكلة

كنك ملكتي هالوجود , شنهو سبب هذا الفرح ؟

آهـ لو انهم يعرفون , إن الهوى ماله علاج

لوني كتمته بالحشا فأنا عليهم ميته

و اليوم أنا في ديرته

وشلون ما اسعد و اهتني ?


بقلمي

نامر و ننهي و الحكم للمقادير
أمرٍ يجي مخيّر و بعضه مسيّر


الوقت يمضي ما سمع للمعاذير
و العقل فهم الناس منّه تحيّر


بقلمي

ترى العتب بين المحبين مسموح
يجي شبيه الزوبعه بساع ينزاح


يجلي شكوكٍ و الخطا معه مدموح
طب الجروح و يبدل الحزن بافراح


بقلمي

يا حر دمعٍ اختلط حزنٍ بخوف
حار في عيوني و أبلشت الجفون


إن سدلت الجفن حدّر كالسيوف
و ان حبسته خان و خيّب لي ظنون


ما يفسر شوقنا سطّر الحروف
و لا يجيب احساس فايض بالشجون


طيفكم ان لاح ما كني اشوف
غير زولك و الأوادم يختفون


يا حبيبٍ مسكنك في وسط جوف
ما نبدّل حبكم صعبه نخون


لو تردى حظنا و حدّت ظروف
حافظه وعدي و قلبي لك يصون


بقلمي

جيت بمكان اللي له القلب منزال
أقضي سويعاتٍ في عمري ثمينه

من عقب ضيق الصدر غيّر لي الحال
شوفت رسوم اللي يمد اليمينه


سجيت فمراحه و قلت الغثا زال
و دعيت له بالخير تسعد سنينه


ما ضاع وعدٍ بيننا لو البعد طال
كلٍ حفظ خله و حطه بعينه


بين الحنايا فالحشا سرهم شال
و لشواقهم قلبٍ عسى الله يعينه


بقلمي

يا ناس قلبي تفهم لوعة الايام
و اجبرت نفسي تجافي أغلى سكانه


أصدرت حكمٍ ظالمٍ يشبه الاعدام
سجن لفؤادٍ تعلق روح ولهانه


و اظنها صعبه على شامخٍ مقدام
الذيب عينه ما تنظر عين سجانه


بقلمي

جميل أيها الإنسان أن تقتدي لترتقي
هنا يكمن سر النجاح للوصول للغاية
من خلال ما تضيفه لتصبح مميزاً

نعم أيها الإنسان
لابد أن تكون لأعمالك بصمة خاصة 
يتعرف عليك الآخرين من خلالها


الله تعالى حينما خلق الكون بما فيه
ميزك أيها الإنسان عن بقية المخلوقات بالعقل
لابد من استخدامه قبل فوات الأوان

فإن استغنيت عنه
و ارتضيت لنفسك بأن تكون مجرد مقلد
لأفكار و تصرفات الآخرين
فلا تطالب بصلاحياتك
ففاقد الأهلية غير مؤتمن على حقوقه
لأنه بلا شخصيةمن السهل استغلاله
لأنه ينخدع بالمظاهر فمن السهل استغفاله


فاحرص على الإقتداء بعقلك
لا التقليد بإلغائه
فبه تصبح انسانا
و من دونه تنتزع منك الإنسانية .
فلا يحزنك حينئذ إن لم تعامل كإنسان .

بقلمي

لي صاحبٍ هرجه يهيض شجوني
نحشم سموه عالي بالقوم قدره

غالي احتواني ما يخيب ظنوني
شامخ يداري خاطري ما يضره

يحفظ مواثيق الوصل ما يخوني
و إن ما عطاني خير ما يجيني شره

صادق بوده و لغلاته يصوني 
ما ارضى يتولجني به الشك ذره

لشوقهم إذني توّن إن طروني
و ذي أسعد اللحظات لله دره

الكل منا صاحبه ما يهوني
بين الحنايا صان ما باح سره

بقلمي

الشعر يبقى حر ما نرضى يسجن
يبشر بفزعه شامخه من هل الطيب

تفزع له الأبيات و الذوق يعلن
الظن به ما يمكن بيومٍ يخيب

ينظم مشاعر راقيه بحس متقن
هاجس يجيب القاف بابداع ما يشيب

بقلمي

السجن فالمنتدى يجمعك بالخير
يالله عسى جمعنا مسكٍ مع عود


كل القشر فالبشر نردمه فالبير
بصافي النوايا تضوي أيامنا السود


نبضات شعرٍ رافقت حس بالسير
تحكي مشاعر ما يجي فيها منقود


ترسل عبر شاشة النت مو بالطير
بس اعتمد ثم ارسله ما به سدود

هاك الكفاله تفضل دون تأخير
و ندعيه ربي ما عاد سجنك يعود

بقلمي

الرد السريع احتاج له بعض الاحيان
في وقت يلزمني أحدد مصيري

أنطق به بذوقٍ و لا يزل اللسان
أتبع وصاة الوالدين بمسيري

بقلمي

سألتك يا نبض هالشوق عن قلبٍ غدى مني ؟
تبسم وجهك الطيّب عرفت من الغلا محفوظ

بقلمي

أطيع انا امرك ما أخالف معاليك
و لو كنت قاسي يبقى بالقلب بيتك


أسرح مع طيفك إذا حل طاريك
يا غايبٍ و الله ما يومٍ نسيتك
يشهد حنينٍ بالحشا دوم يناجيك
صادق بعالي السوم خلي شريتك

بقلمي

سلم على منهو يودك و يغليك
لا تنتظر دايم تجيبك السلامات
قدّم عذر إن كان خلك مخليك
يمكن ظروفه معه دايم صعيبات

ابعد خيال الشك ربي يخليك
الحب ما ينقص ببعد المسافات

إذا خضعت لهرج عاذل يغويك
تخسر حبيبٍ حافظٍ للأمانات

بقلمي

جهرت بحبك يا خالقي
و من أجل مرضاتك أجتهد


جمعت الحروف أود الدعاء
تعين و تغفر عبدا زهد

بقلمي

لا تستمع للي على الضيق حدوك
خلك فطين افهم معاني التعابير

لا تتبع لخلقٍ إذا جيت صدوك
أهل المصالح توردك للمعاسير

اتبع طريق لعقلٍ لا تقول ودوك
عيون النهار تعين درب التياسير


لا تنتظر دايم من الناس يعطوك
و لا تعتذر عن عجزكم بالمقادير

بقلمي

ليتك دريت لشوفك أحرقني الشوق
قربك حياةٍ لي و بعدك مماتي


يا كثر ما هلت دموعي من الموق
لاحساسي بس اني فقدتك حياتي


يومٍ بدى خوفي على قلب مسروق
لا يتيه من بعدك و تنسى وصاتي


صحت و  نخيت البعد لا يهضم حقوق
قال استريحي و ابشري لا تحاتي


يجيك ما يبعد و ذا الوعد موثوق
اخذي الخبر مني بعلمٍ ثباتي


مسحت سيلٍ فوق خديني مدفوق
و انا ارجي ربي لي يحقق مناتي


لحظة وصلني نبض باحساسك الذوق
أنعشت روحي قبل تعلن وفاتي


شمس الأمل تسطع معك دوم بشروق
ترسل شعاع الفرح يجمع شتاتي


يا مشاركٍ للروح و ساير بالعروق
أشري الغلا ما اسمع لقول الوشاتي


طيفك كما مزنٍ يجي مرافق بروق
يروي عطش خافق يجر الآهاتي


يا حب طاهر ما رضى بالهوى يبوق
وافق لطبع الطيب منك صفاتي


قدر المعزه نرفع الراس به فوق
يبقى غلاكم لو تفتت رفاتي


بقلمي

الله من هرجٍ يولع حريقه
يضرم سناها لسما فوق عالي


أشعم لها عاذل مضيع طريقه
يحسب غرامك في فؤادي تسالي


لكن تطمن ما نشف معه ريقه
خلٍ يردد صادق الحب غالي


بالك تكدّر أو تجي فيك ضيقه
يا مشارك الانفاس يا اغلى أمالي


تبقى غلاتك درب غيرك تعيقه
شورك تطيع و قلبها ما يطالي


ضي الفرح تطفي بحزنك بريقه
و تزيد نارٍ في حشاها اشتعالي


خذها وكاد و مني هذي الحقيقه
آجلس مع العالم و وحدك ببالي


كلٍ يحسب اني معه في فريقه
و انا معاكم سارحٍ في خيالي


بقلمي

بعض العرب تبلش بنصحه و تتعب
و اذا التزمت الصمت يذبحك باللوم


يسمِعك قولٍ ثم للغير يذهب
طعنته تشبه رميك برمح مسموم


طبع البشر مانيب له دوم معجب
و اعجاب غيري بطبعنا ما هو ملزوم


هذا قدر هالوضع ما منه مهرب
شمسٍ تجي بشروق مغربها معلوم


بقلمي

ماني من اللي لا قسى الوقت جافاك
و ان شفت غيري تبقى وحدك حبيبي


قلبٍ يحبك لا حشا ما تناساك
و ما يسمح بغيرك لجرحه طبيبي


يا روح روحي يا عساني فداياك
يكفي لغلاتي قي فؤادك نصيبي


بقلمي

يا طيف بالبعد يرويني
ارحم خفوقٍ لكم عطشان


لا يا بعد ناظر العيني
الشوق ما يلحقه نقصان


إن ما حصل لي تواسيني
عزاه لقلبي الولهان


أضحك و انا الهم طاويني
أخفي ملامح حزن لا يبان


الوقت عيا يراعيني
صعبٍ على قلبي النسيان


فرقاك للضيق مهديني
جارح معه خاطرٍ عمسان


يا حب يسري بشراييني
من حرقة اشواقنا ظميان


بقلمي

تدري أنا لك يا حياتي دوم أقول

لا تخليني و تروح

فدوتك كل الجروح

نبضي صاغ الحرف لك

بقلبي غيرك ما سكن

أعشقك و اشتاق لك

لرضاك انا أشري ما أبيع

فيك كل طبعٍ جميل

لا يمكن الصاحب تبوق

للأمانه صنت جعل الله ما يخيب رجاك

يا بعد روح الغلا طيفك قريبٍ لو نغيب

بين الحنايا لك مشيد مسكن يوصفه فريد

له أساسٍ ما يهد ثابت من الصدق انبنى

و لو ابتعدنا لك نكن

تقدير حشمه و احترام

حكم القدر به نلتزم

ما نعترض يا ابن الكرام

ودي بقولي لك أعيد

لا تخليني يا روح الغلا

لكن بعد بزيد و اعيد

لا تضايق من البعد يا وليفي

فرقاك غصبٍ مو بيدينا

و لاني بقول انسى الحبيب

لكن وصاتي ليت لي تحقق مطلبي

 إن كنت تغليني

ادعي لنا مثل ما قلبي دايم يدعي لك .


بقلمي

جرح يذبح خطر يسبب لك جنوني

يوصفك صاحب بمخلف للوعودي

يتهمك و الحكم منه يجيك جاير

تنظر بعينك و تخنقك العباير

و انت صامت تسمع و تدمع عيونك

ما درى بانك تحفظه له تصوني

كل نبضٍ بك و حسٍ ما يخونه

يسري بدمك تحفظه في عروقك

ما تصدق قول من عاذل يجي لك

تدمح الزله و به تحسن ظنونك

تدعي الخالق يسمّح له دروبه

و يا عساه بعيشةٍ دايم هنية .


بقلمي

مع الحبايب ما تضيع المواثيق
يشرون مبدأ صاحبك ما تخونه


يدعون للغالي بزود التوافيق
و عند المناقيد المحبه تصونه


بقلمي

قلب الهوآوي يشقى بالدرب راجيه
ما يصدقه بالشوق يخيّب ظنونه


بقلمي

انته انت اللي على عمري تمون
لك تجي لبيه إذا جاني نداك


دام الوعد بيني و بينك ما يهون
قلب الغلا لعيونكم ينبض فداك


بقلمي

العلم ما يخفي عن البال طاريك
بالقلب صرح الحب مبناه عالي


علمٍ وكاد إنه بعمره يساويك
متمكنٍ بالجوف بالحيل غالي


ولهان وده ما يفارق معاليك
يا كحلة عيونه به الشوق صالي

بقلمي

سلموا لي على من جارحٍ عندي الموق
ما يراعي وصالي و الحكم فيني جاير


بلغوهم حشا ما ينقص لشوفه الشوق
و يشهد للوعة خفوقي دم بالعرق فاير


بقلمي

الطيب ما يمسك سوى كف يمناك
منهو بخس حقك فلا يوم تنصاه

إن جاك علم إن صاحبك قد تناساك
حذراك تذرف دمعتك يوم فرقاه


لو كان حبه مسكنه في حناياك
ودعه ربك يا عسى الله يرعاه


بقلمي

القلب بيته غيرهم ما تمناه
أرسى لهم مبنى الغلا وسط جوفه


به حب خالد والمعاليق ترجاه 
عيت تمله ما تبي غير شوفه


شالع لها القلب المولع من اقصاه  
  ما غير صوته يبعد اليوم خوفه

بقلمي

راسل فؤادي وانعش القلب يازين  
  كل المشاعر ما تبي غير همسك

بقلمي

كم الغلا ما هو لكم سحب بالصيف  
  مثل الهوا و الماي من دون تحديد

بقلمي

عادي تموت بدرب الاحلام فكره
و تفنى لك الهمسات من جور تعبير


دام المجامل أورد الصدق قبره
ما هي غريبه يسلب الحق تبرير


هذي الحقيقه تخنق انسان عبره
يوم المشاعر تلتزم بند تزوير

بقلمي

لا وين تمشي يا شعور الأحاسيس
في عالمٍ ضاعت معاه التعابير


بعض العقول مقفّله بالترابيس
ما يفهمون الهرج و ضد التفاسير


بقلمي

الوقت يمضي في سويعات الافراح
و قبل الموادع يهدي للفكر ذكرى


تجلي لك الأحزان لحظات الاتراح
تهيم معها و تنسى بالجوف حسرى


بقلمي

لا تقول اعدريني يا بعد روح الغلا
و الله إني سامحتك قبل لا أزعل عليك


لا تظن العتب معناه قلبي سلا
لا حشا ما قصدنا ضيق منا يجيك


لو زعلنا نظل نقول مرحب هلا
مسكنك بالحنايا قلبي مشتاق إليك


بقلمي

لا تمنن في حروفك يوم ترسلها لنا
لا تحسب ان المعاني توصل احساس الشعور


كلمةٍ فيها رسومٍ تشيه لضي السنا
تحتمل تفسير ثاني معنى ما يبعث سرور


خلك على الغايه جسور لا تعتمد درب المنا
شد العزيمه و ابتدي إن كان لك طبع الصقور


بقلمي

أخطيت ثم جاني العذر منك مقبول
و لو كان ما ابديته لك الشوق عاذر


كم قلت لك فيكم ما صدق أنا القول ؟
و اردم أراضي فيها للشك باذر


لا تظلم  القلب اللي عنه أنت مسئول
نصاك حبه عاذله منه حاذر


بقلمي

جاك القلم يدعيك ترسم تصاوير
توضح المخفي بخاطر حزيني


لا تكتم الآهات هات التعابير
ترجم أحاسيسك و ربك يعيني


بقلمي

يا قلبي اللي تعب و احتار

و الله تهت من تفسير بعض الأفكار

صعبٍ علي أفهم تلاوين الوجيه

ما عاد نعرف صدق التعابير من الأقنعة

لكن ما أقول غير

الله كريم و بغيره ما نستعين .

بقلمي

الحب يلعب بالمعاني و الافكار
و قاموس كلماتك يجي منه مسحور


إن جاوبك خلك يجي القاف مدرار
و ان شح في وصله غدى الحس مضرور


بقلمي

راعيتهم وقت الفرح و الكآبه
و الزمت نفسي ما انطق بغير لبيه


طاعتنا لامره ما تقلل مهابه
أبقى العزيزه و اغلى ما تملك يديه


بقلمي

إن شاق قلبك من هوى الشوق نسناس
سلم عليه و بلغه بالأمانه


قله انا عقبه ترى عفت الانعاس
ما غير اتابع طيفه أرجي حنانه


بقلمي

ثرى تعطر من نسايم عبيرك
يا من هواه القلب و العين تتناه


أمشي عليه اتبع خطاوي مسيرك
و ان تاه دربي غيركم ما نصيناه


بقلمي

نبضٍ بشرياني نطق
شكراً من القلب اشكرك

يا من هواهم بي سكن

و لغيرهم لا ما أبتسم

لا تحسب إني عنك أسج

لا و الذي خالق غـلا

ما انساك و ادعي دوم لك

بعداد ما العالم تحج

خذها وكاد إنك لنا

أغلى علي من روحنا .



بقلمي

إلى وين هالدنيا

تبي تاخذنا و تودينا ؟

متى نصحى من حلم تحقيق أمانينا ؟
متى نفهم بعض الأمر مو بدينا ؟

حتى لو اجنهدنا و بنينا بأيادينا
يبقى المقدّر و ما ينفع الدمع لو بكينا

و لا الصيحات لو شكينا . 

بقلمي

إذا أردت أن تعيش بلا تعب

فلا تبني لك الأمل بأساس من وهم

و اعلم بأن التجربة إن فشلت

لا يعني ذلك نهاية المشوار

بل يعني بأن هناك خلل

فلا تستسلم و ابذل الجهد بلا كلل أو ملل

و ابني لك من الواقع أمل

سوف تصل و تتمكن من اصلاح الخلل .

بقلمي

دام الغلا بينك و بيني
لك الأماني نطوّعها


نمشي لك ايام و سنيني
قلوب العواذل نلوّعها


بقلمي

مع السلامه حافظك خالق الكون
عجزت لنطقها بيوم الوداعي


بقلمي

قدام عيني قام و ولّم زهابه
سبب لي ضيق الصدر و اعلن رحيله



بقلم

الجار له حقٍ على الجار ملزوم
الدين يوصي به و سنة نبيه


يوجب عليك الحرص لا يلحقك لوم
حشمة كباره و للمحارم حميه


بقلمي

لا تبتعد عن دين و سنة محمد
و انت المعاصي ما تجي صوب دربك

بقلمي

لمحت في عينه و هو يصد دمعه
يومٍ سألته فال فالعين غبره


كنه تناسى باني عينه و سمعه
ماني بحاجه منه نبرات عبره


بقلمي

عند السمر يوعدك تعداد قنطار
و فالصبح كل عهودهم لك تغير


بقلمي

الود محفوظٍ لكم بالشرايين
و لا تنتظر في يوم ننسى ودادك

إذا القمر بالليل ينور بلادين
حبيبي تضوي دنيتي في وجودك

بقلمي

خذ الحقيقه من عيوني و الافعال
لا تسمع لهرجٍ يجي دون توكيد


عالجرح لا تنثر مع الهم غربال
يا من لغير الله ما اعلنت توحيد


بقلمي

و االله ما ابخس في غلاكم و لو يوم
و بغالي الأثمان لرضاك شاري


بقلمي

شد العزم و اجعل لك من الأمل ساس
تفرح و تمحي بعثرة يأس الاحلام


بقلمي

لحظة حضورك يا يبه زادت انوار
من طيب فعلك يا ابيض الوجه يا بوي


بقلمي

يا غايبٍ عن عيني ما غاب طاريك
بين الحنايا مسكنك ما نسيتك


بقلمي

يا مرحبا عد النجم يا هلا بك
يا شامخٍ والعز ورثه من جدود

بقلمي

يا مرحبا بالذوق بنت الأصيلين
بعداد نسمات الهوى قي غيابك



دامه جمعنا الطيب محنا بناسين
يا من يزيد الفرح شوفة جنابك



عمر التجاهل ما يزيد الموازين
يالله عساه الهم ما يوم صابك

بقلمي

الاخلاص مبدأ يضمن العشره تدوم
يبني صروحٍ للغلا في حناياك


بقلمي

البوق طبع(ن) شين منّه تحذر
يجلب ذنوب و بعد الاصحاب عنك


بقلمي

حسن الخلق و الطيب بالأصل له ساس
من يلتزم بالدين و سنة نبيه


بقلمي

خذها وكاد إن الأمل لو للحظات
يكفيك شر الياس و ضيقة دروبه


و ان الرجا بالله يسعدك ساعات
منهو صدق بالتوبه تمحى ذنوبه


بقلمي

 

زاد الغلا و الجوف به شوق يصلاه
رغم الغلاء نسوق له عالي السوم

بقلمي

منك السموحه و لا تشرّه عليه
ما عاد يمدي لك تقدم لي اعذار


بقلمي

بيد البشر تخطي و تفعل صوابي
و من يحتكم بالشرع ربي يعينه


يكسب من الظن الحسن له ثوابي
و يهناه نومه من تمسك بدينه


بقلمي

صباح الخير

يا طيفٍ تبسم في سما احساسي

صباحك طيب

من مشاعر صعب المعنى يوصفها

صباحك معطر بشوقي

يا بهجة الدنيا و أغلى من سكن فيها

بقلمي

لا يجفل احساسك من الهم و الضيق
يا ساكنٍ وسط الحشا دوم نوصيك


يا صاحبي دام الأمل ضيه يويق
ابشر بخلٍ بغنم الفرح و يجيك

بقلمي

 

من قال لك :

إن الأمل في هالزمن

أصبح جريمة

لا تتهمه بالجنون

و لا تصدقه و لا تكذبه

لا تنظر لي كذا

نعم ماني مجنونه

و أعرف معنى كل حرفٍ أقوله

علمتني الدنيا أوزن الكلمة

و من تعمد يفهم تفكيري خطأ

ما أجادله

لأني مهما أتعبت حالي

ما هو مقتنع

لهذا السبب أقول لك :

من اعتبر الأمل جريمة

اعرف انه مثل اللي
تعمد يفهمك غلط

لا تحط نفسك قاضي

الأولين قالوا :

كلٍ بعقله راضي

تمسك أنت بالأمل

و لا تعاند

لا يعتبر وجودك جريمة .
\\
عد التمني طير و اتعب على الصيد
الحر دايم ما يعيقه تمني

بقلمي





 

سلام الله يا طيّب تميز بالعقل له طبع
يحاور شامخه نبراس تسعى دوم للعليا

بيوتي موهبه و احساس لامري تلتزم له سمع
نرقى للنقا مرقاب صيت الطيب به يحيا

بقلمي

يا دمعةٍ بالعين وشهو اللي ضامك ؟
قولي لنبض احساس زادك شقاوه

عذبتني يالقلب الأقشر علامك ؟
ودي و لو مره تصيبك قساوه



يا طيبٍ بالقوم عالي مقامك
باخلاق لك أهدت وسام النقاوه


بعدك عن الشينات دامه مرامك
قل للكدر ما له بوسطك فضاوه


بقلمي


 

أنا و الله علي شاهد

ما ودي أضايق أحد

لكن ما باليد حيلة

ما كل شي نبيه نحصل عليه

و الناس غلطان من فكر إنه يقدر يرضيهم كلهم


لكن الله كريم و رحيم بعباده .

بقلمي





 

لا تنشد المجروح سبة دموعه
و من جاك يضحك لا تكدره بالنوح




درب الأمل تضوي حياتك شموعه
شد العزم مكتوب ما جاك باللوح



كانك تواكل عذر نفسٍ جزوعه
بربك توكل تبني لك مجد و صروح


بقلمي

لا تقول الوقت ما عاد يمديك
مد اليمين و شوف كم يدٍ لك تمد


لا تلتفت صوب من عنكم صد
لا تتبع المقفي و من شاح عنك الخد


و اياك ثم اياك تذكره يومٍ بشر
دير بالك ترى كلنا بشر
نذكر لنا كلمة و بلحظة تنشر خبر
كلنا بشر يا صاحبي كلنا بشر


من خالف الشور في حق
لابد يجي يوم و يعرف الفرق
بين من جامل في كلامه و من في قوله صدق


في هذاك الوقت بالك تصد
لا تعامل بالمثل و تبني بينكم سد
و اعرف ترى كلنا من طين ما حد زايد على حد
سامح و لا تشد
و من مد لك يد لا تبخل و يدك له مد .


بقلمي

أمك على راسي لها القدر مرفوع
منها الخطا مدموح لجلك حياتي

لو انزعج عندي اتا الأمر مشروع
لك مني الطاعه لها لا تحاتي

وجهك أشوفه في محاياها مطبوع
ما اخطي و هذا خذه مني ثباتي

قولٍ من امي احفظه بين الضلوع
أمه لها حشمه و ذي لك وصاتي

يا ضي عيني قلبي لو كان مشلوع
ما اخالف امرك حتى ساعة وفاتي

بقلمي

حبيت أوجه كلمه لخاطر الروح
لا تستضيق الجرح ما جاني منك


وش عاد لو دمي غدى اليوم مسفوح
من سبة ظنونٍ تجى غصب عنك


لك العذر مني على الدوم مسموح
و الله يعين القلب من زود ظنك

ارفق بحالك مالي بالشرح مصلوح
أدري همومٍ جتني لابد جنك

بقلمي

أتعبت نفسي والعرب طبعهم شين
أطلب مشوره ولا لقيت النصوحي



يا عين هلي عبرتك لا تهابين
خلي دموع العين تغسل جروحي


بقلمي

الإنسان تحكمه الظروف

و أحيانا تجبره على التجريح

مجبرا لا مخيرا

فالتمس العذر لمن جرحك

إن كنت متأكدا من معزتك لديه .

بقلمي

هرج القفا يذبحك من دون سكين
خذ الحذر لا تشترك بالمذابح

بقلمي

المعاني تعاتب و الحروف اشتكت
و السطور الحزينه تاه مدلولها


و التعابير عيني من سببها بكت
و اسرحت في خيال الفكر بلحونها


بقلمي

ناديت انا الاطياب و لبت ندايا
و اهدتني خلطة مسك مع عنبر و عود



قدمتها للي له الطيب رايا
أبوي تاج الراس و رضاه منشود



إن اصدر امره روسنا له هدايا
يبشر انا و اخواني نوقف له جنود


بقلمي

بدأ اليوم و انتصف و يسير نحو نهايته





و معه نبدأ و نستمر دون كلل أو ملل



نأمل من خلال محاولاتنا



تحقيق الأحلام



نختلف كبشر في سبل النيّل منها



قد يجتهد البعض من أجل الحصول عليها



و البعض تتهيأ له دون جهد .



بقلمي

إن جاك شوقي عاتبٍ لا تحاشاه
و ان ضقت تكفى عني بالك تعدا

يفداك كل منهو لقلبي تمناه
مع خاطرٍ يغليك لك باح سدا

بقلمي

قال لي :

الدنيا جميلة

قلت له :

بإذن الولي
دامك معي
ما به هالأمر شك

بس لا تبتعد
ترى بعدك ماني بخير

لولا رحمة رب العباد
و إيماني بإنه لطيف بعباده
ما تجي و تلقاني .

بقلمي

قالوا علامك ما تجيب المعاني
قلت التفاسير العديده تردّه

إذا بغيت انطق تلعثم لساني
من رعب فكر الناس فمي أسدّه
بقلمي