الخميس، 28 فبراير 2013

تهذري نسمة الأشواق باسمك كيف انا أنساك ؟
و يحبسني مع الذكرى جمال الطبع و الإسلوب


أحبك ما نحرّفها بقلبي وسمها أفداك
بكل الذوق ينطقها بجوفي الخافق المسلوب


بقلمي
حرفك يشوقني و اجي يمه اقراه
و احس بانفاسي تسابق دموعي


أشتاق له و اغار لا شفت معناه
ما ودي غيري له يضوي الشموعي


أعشق سطوره و المعاليق تهواه
و البعد مشقيني يجي منه روعي


من شاف حالي ما قدر يمنع ابكاه
قلبي من الروعات حطم ضلوعي


بقلمي

الأربعاء، 27 فبراير 2013

يفرق عن العالم و طبعه فريدي
يعجبني فيه الثقل لو كان ولهان


يا عاذلي هرجك معي لا تزيدي
ما أسمعك يا كود يسمعك صمخان


ينبض بشرياني سرى في وريدي
حبه تمكن ما تبدّله الازمان


بقلمي

 
طعم المعاني بعض الاحيان حلتيت
لو زينوا لك نظم مر(ن) مذاقه


طعن الظهر إن ما ذبح يعطي تثبيت
إن الثقه درب(ن) يجيب الإعاقه


بقلمي

الجمعة، 22 فبراير 2013

يقسى الزمن و الوقت يبخس حقوقك
و الناس ما ترحم و الاحساس مفقود


النبض يشكي و المشاعر تسوقك
ترسم بها التعبير و المعنى محدود


و تفكير بعض الناس ممكن يبوقك
يجني المدايح و انت بالذم موعود


بقلمي

الخميس، 21 فبراير 2013

مهيار بحضوره يجي الفرح وياه
ما يمكنك تلقى شبيه(ن) لطبعه


يعجبك طيب(ن) يجلبه فعل يمناه
معرّب الجدين فخر(ن) لربعه


بقلمي
جرّب تسامح غالي(ن) معك مخطي
شوف النتيجه كيف تحسب لصوبك


تدمح له الزله و ذا السلم مبطي
يستاهل الغالي مرافق دروبك


غض النظر عن كل اثر جرح يسطي
عد الأثر في صدر غيرك ما هو بك


دامه غلاكم للعذاريب غطي
لا يشمت العذال فيك إن درو بك


بقلمي
يا مغترب يا من حروفي تتابع
الله معك يا جعل دربك سهالات


عساك ترجع ثم تخامس أصابع
كل الأحبه و لك تقام احتفالات


بقلمي
جرّب تسامح غالي(ن) معك مخطي
شوف النتيجه كيف تحسب لصوبك


تدمح له الزله و ذا السلم مبطي
يستاهل الغالي مرافق دروبك


غض النظر عن كل اثر جرح يسطي
عد الأثر في صدر غيرك ما هو بك


دامه غلاكم للعذاريب غطي
لا يشمت العذال فيك إن درو بك


بقلمي
نيزك رميته دون توضيح الاسباب
عندك عشم تدري غلاكم يدافع


قدر المعزه صامد(ن) رغم الغياب
ما ينهدم ساسه لو تضرب مدافع


يا صاحبي ما كل جرح(ن) له اطباب
البعض يبقى له أثر و انت شافع


ما هو عناد(ن) مني ما اصفح او اضراب
إن جيت أبنسى جاني للوجه صافع


ودي العذر ما ينقفل دونه الباب
عجزت أحاول و الامر ما هو نافع


هرج العواذل انتبه يقطع ارقاب
احذر لا تعطيهم من السمع دافع


السم يبقى براس هالحيه و الداب
إن ما تهشم خطر رايته رافع


بقلمي

الثلاثاء، 19 فبراير 2013

الدعوة بالخير بظهر الغيب
لإنسان قد لا يمر في باله
بأنك مازلت تذكره
لن تضرك بشيء
فلا تبخل بها عليه


بقلمي

 
صباح النسمة العطرة
صباح هدوء الإطمئنان
صباح راحة البال
صباح الأمل بالخير
صباح يبشرك بالأمان
عسى كل هالصباحات فالك
هاليوم و كل يوم


بقلمي

الاثنين، 18 فبراير 2013

هاض الخفوق و ناح شبه الحمامه
واعزتي له يوم فارق حبيبه


يا عاذلي كف العتب و الملامه
الشوق يذبح لامن أبعد طبيبه


بقلمي
ينوي المولع في غرامك وصالك
و ما قدّره ربك بدربه يطوله

هذي تقاسيم(ن) عسى الطيب فالك
ما كل أمر(ن) تجتهد به تنوله


بقلمي
يقولون لي
من عيوبي
أنني إذا تضايقت
أعزل نفسي
و هذا عند البعض
يعتبر من التصرفات الخاطئة
لأننا نعيش في زمن
اللاإحساس و اللا شعور
و أنا أعترف بأنني
مقتنعة بوجهة نظرهم
لكنني أصر على حبس نفسي
ليس ضعفا مني
بل هو نابع من إيماني بأنه
ليس من صفات العقلاء
الجدال مع الجهلاء
في الحقيقة أخشى
من عجز الناس
في التفريق بيننا


بقلمي

الأحد، 17 فبراير 2013

مساء الطيب يا غالي يا مهدي القلب نبضاته
مساءك يرسم البسمه و يسعد لي ليالينا


يملى كوني بالبهجه و يعطي عمري فرحاته
وجودك من نعم ربي يا مطلب أمانينا


بقلمي
أصبّحك بالورد يا غاية الروح
يا مالك الإحساس يا كل شوقي


خير و سعاده جعلها وين ما تروح
تمشي بدربك و الفرح لك تسوقي


بقلمي
أمر المحبه يلزم القلب تطبيق
من خالف بنوده حكم فيه تعزير


دستورهم واضح مثبّت بتوثيق
قانون صارم ما يجامل بتزوير


بقلمي
لك فالحشا منزال في عالي مرقاب
غيرك عجز يوصل بداية حدوده


يسلب حضورك خافقي يا اغلى الاحباب
يا كاسر(ن) قلب الغلا في صدوده


منّك أنا ما قلت ابد خاطري طاب
و غيري ما يرضى قلبكم في وجوده


خل العناد و لا تجي دوم باسباب
حبي بقلبك صعب تهدم سدوده


بقلمي

السبت، 16 فبراير 2013

الليل مع موج البحر يحكي اسرار
و النجم يسمع و يتلألأ بنوره


كنه يحذر ليلي من فم ثرثار
يقلب هدوءه ثم(ن) تقوم ثوره


يا ليلي لا تامن من الخلق الاشرار
و البحر غدار(ن) ما يحفظ سطوره


خذها نصيحه لا تجي يوم و تحتار
شوف الحقيقه ما يجي مثل صوره


بقلمي

الجمعة، 15 فبراير 2013

يرجيك نبض(ن) خطر يوقف من الشوق
يا من هواهم ساري(ن) بالشرايين


نعم أحبك و أحفظك داخل عروق
يا معطي احساس السعاده عناوين


بقلمي

 
في وجودك تختفي كل الجروح
و في بعادك يفقد قليبي هناه


لا تعاند ثم تهدم لك صروح
و يشتكي قلبك عذابه من غلاه


بقلمي

 
الوقت يمشي و الرجا طاح حيله
و الشوق يسأل منهو فيكم بخيتي ؟


يا ليت بيت(ن) تنظره لي تشيله
و يجيني ردك في مجاراة بيتي


بقلمي

الأربعاء، 13 فبراير 2013

الصبح من شوفك يغرد له الطير
و الورد من فرحه بعطره يفوحي


يا بلسم جروح الغلا جيتك غير
تشرح لي صدري ثم(ن) ترد روحي


بقلمي

الثلاثاء، 12 فبراير 2013

كراستي من حبر الاقلام صاحت
من كثر ما اكتب ثم(ن) أمحي حروفي


و أوراقها تشكي من دموع طاحت
من فوح صدر(ن) سبته نار جوفي


بقلمي
يبني له احساسي من الشوق معنى
و اهديه من عذب المشاعر لحوني


و صادق تعابيري مع الحرف يهنى
لامن طريت اسمه يزيد بشجوني


بقلمي
يا خاطري أدري تبيه
ودك من أعماقك تجيه
دوم ربك ترتجيه
له يحفظه و يحميه
واكذب إذا لك اعتذرت
إن قلت ما اعرف دربهم
لا و الله إلا أعرفه
و سهله دروبه عندنا
بس أعتذر منك أعتذر
يا خاطري منك أعتذر
جبرني وقتي و انجبرت
أبعد عن اللي أهتويه
صعب اللقا صعب اللقا
يا خاطري ما بيدي شي
و المشكله و كل البلا
احساسي به ضايق صدر
أشعر بأنه في كدر
خوفي عليه ذبحني حيل
و مقدر أجيه مقدر أجيه
عزتي تمنعني اجيه
أدري من يحب يغفر
و يقدم لخله عذر
و حنا نسامح بالعذر
نقبل و نعفو عنهم
بس انا اجيه لا أعتذر
إلا في حاله واحده
هو من يبادر للوصل .

بقلمي
.
إن جيتك أحكي تلحق اللوم العتاب
و ان التزمت الصمت تزعل و تشره


مفتاح قلبي معك يا قافل الباب
من ضيعه ما ننتظر منه عذره


قلبي لكم و انّت لنا سيد الاحباب
عجزت أوضح ما انتهى معك صبره


مابي العذر منّك و لا تقدم اسباب
مسموح يا من منك تخنقني عبره


بقلمي
 
ورق نزخرف فيه معنى بترتيب
نظهره في تعبير ينطق به الذوق


كلمه بوسط السطر تُكتب بتهذيب
تجمع حروف(ن) صاغها نظم ممشوق


بقلمي

الأحد، 10 فبراير 2013

الحب باحساسك توضح معانيه
من يملكه بالصدق ياتي بدلايل


كلمة أحبك ما هي شرط لمبانيه
ساس المحبه اتثبته بالفعايل


بقلمي

السبت، 9 فبراير 2013

بعض البشر ينطق بلا حس و شعور
و طب الجروح ادواه بالبعد عنهم


حروف أحبك كنها الرمل منثور
إن هب ريح(ن) يعجزه كيف يلمهم


لا تحاول تجادل ترى أرضهم بور
و الرد مثل الملح على الجرح منهم


بقلمي
دية مشاعرنا ما هي بدفع دينار
يكفينا منك العذر لا صرت صادق


ما نقبل التثمين لو كان قنطار
الحس طير(ن) ما تصيده بنادق


إحرص على تفسير مرسال الانظار
و امنع عواذلنا بحفر الخنادق


بقلمي
يا نوف الوقت يعطينا عسر ثم يتبعه تيسير
ينوّع لك في هالدنيا ظواهر ما تجي بحاله


نرى التغيير بالظاهر و يمكن يشمل التعبير
لكن يبقى هالإنسان ينشد ماضي الاصاله


يوافق عاده بتشريع و فكره يكسب التحرير
يا نوف الحرف هيضني وجيت أكتب على جاله


بقلمي

الجمعة، 8 فبراير 2013

البارحه جاني من الشوق لاهوب
هيض غرام(ن يحبسنه ضلوعي


صار الحشا دوّه بها الجمر مشبوب
و ان جيت أبطفي النار جرحي يفوعي


النفس عافت كل زاد(ن) و مشروب
و ما به طبيب(ن) غير زين الطبوعي


يا صعبها الجيه و ذا الأمر مكتوب
ظرفي و عزة نفسي تمنع رجوعي


لو كان غيره ما سكن قلبي محبوب
قربي لهم يبقى مثل حب كوعي


أقولها و اعيد و الشوف محجوب
وحده فديته من يهدي لي روعي


يا رب حقق لي من الأمر مطلوب
تزيح هم(ن) قلبي منّه جزوعي


بقلمي
من جا نرحب به على العين و الراس
و من صد ما نشره عسى السعد فاله


ما هو لقل الشان بس حشمة الناس
و الغالي له نعذر لو شح بوصاله


بقلمي

تدرون وش اللي

يجرح

و نتمناه ؟

قلب(ن) نحبه

و يتغلى علينا

يدري بغلاته

و ان غيره ما عشقناه

بس عذره

إن غيره يبينا

يحاسب فؤادي

على أمر(ن) مو بيدينا

و إن زعلنا

عاتبنا و تشره علينا


ما عليه

تغلى يا حبيبي تغلى

قلبي بغيرك ما تعلق

و لو عطانا ما عطيناه

تدري و أدري

و الأمر لابد يجري

و سؤالك

ليه أهواك يا من جرحنا ؟

جاوبتك بأني أحبك

ما قلت مدري .

بقلمي

الأربعاء، 6 فبراير 2013

يكتب حروفه ذرب ينصح و يرشد
جعل الأمر كله في ميزان الاعمال


للخير يدعو و للعلا دوم ينشد
الله يوفق سعي طيبين الافعال


بقلمي

 

الثلاثاء، 5 فبراير 2013

إن كان لي خاطر تركّد بدربك
أفكاري احذر لا توديها للخوف


وش ينفعك من سرعتك غير ذنبك
في زرع رعب بخافق(ن) يعمي الشوف


بقلمي
نيشان ذوق الحرف بالقلب مصيوب
و السهم مسموم(ن) ضرب معنى الاحساس


وزن المشاعر أصبح اليوم معيوب
من لخبط التعبير سلم له الكاس


و من صاغ نطقه بالذهب و ابدع حروف
يبقى حبر محبوس نقش(ن) بقرطاس


لا بأس يا نبض(ن) يزخرف له حروف
تبقى قوي الحس و اليأس ينداس


بقلمي

 
فائدة المجاملة
أسهل و أسرع
سلاح
يذبح الإبداع
و من مميزاتها
لا تترك أي أثر
لإتخاذه كدليل لإتهامها
فنصيحة لمن أراد أن يقتل
و لا يتهم فعليه بالسلاح العجيب
ألا و هو المجاملة .
بقلمي

 
يا بسمة الروح
يا أجمل معانيها
يا كثر ما ينقهر عاذلينا من حبك
ودهم يشوفون
الشك في عيوني ماليها
ودهم أجيهم و اشتكي
من ظلم غاليها
كم يتمنوا أجيهم
أحكي و أسبك
و خاب ظنهم يوم أنا
في دروبك أمشيها
و ان رضاك عندي
غايه بالغالي أشتريها
يا اصحاب القلوب الحقوده
ما دامني عنه بعيده
ما أحاسبه و لا ألومه
كيف أصدقكم يلي تتهمونه ؟
شي ما شفته في عيوني
و انتم الفرح و راحة البال
ما ودكم يجوني
صعبه أتخيل
إنكم بالقول معي تصّدقوني
خلوني أريحكم
ما عاد أبيكم تجوني
الشك بانيه ضده سدودي
ما يقرب أبد من حدودي
و الغالي منيتي
هو في دنيتي كل وجودي
فيه لا اشوف و لا أوحي
معي ما أقول لا تتعبوني
لكن أنصحكم أنفسكم لا تتعبون .
بقلمي
صباحك خير

تعطر بدعوة إنك تبقى بخير

يا كل الخير

يا نبض يهدي من طيبته خير

عسى آمالك دامها لك خير

تتحقق و تجلب لك كل خير

يا وجه الخير

صباحك خير

بقلمي


 
يقول حرف(ن) بالمعاني صدوقي
متوكل(ن) بالله في كل اموره


ترى الأمل يعطيك خيل(ن) سبوقي
و الياس دايم يغرقك في بحوره


بقلمي

السبت، 2 فبراير 2013

فهم البشر يصعب على العقل أحيان
و الخافي عندك عند ربك يباني


مازلت أقول الحس و الشوف ميزان
إنظر لوجه محدثك لو ثواني


ركز بعينه و ان تلعثم له اللسان
إعرف لنطقه معنى يخفيه ثاني


لاجل المعزه ممكن يموت الانسان
هو من فدى عمره لغاليه خاني ؟!


و من لا يحس بصاحبه وقت الاحزان
عند الفرح قربه لا يحجز مكاني


بقلمي
جيم السؤال أمرين تتبع حروفه
الحس و اسلوب المجاوب عليكم


لا تحكم بسرعه و قدّر ظروفه
رده بوجهه دون زيف(ن) يجيكم


بقلمي
بهالزمن ما ينفعك كتم الاهات
تحتاج لك تعبير ما يكون عايم


نهاية الصامت تجي دوم بسكات
إن سلمت روحه يحسبوه نايم


بقلمي
أبسألك يا حرف وش تعني كلمه
و لا ابغا جواب الحس يعطيك تأويل


أبي يجي تفسير ينّور لي ظلمه
واضح بتعبيره و لا فيه تعليل


بقلمي
به لك نصيحه تنفع اصحاب الالباب
لا تعتمد حكمك على قول دساس


نية غلا ترحل و تفقد لك احباب
إذا تعمدت التجاهل بلا احساس


يجي من الفرقى لك القلب منصاب
تعجز تدوّر له علاج(ن) و تحتاس


بقلمي
قال السفر بكره و انا اليوم أوصيك
لا نهملي حالك و يذبحك تفكير


أبشر و تلقى كل أمر(ن) هو بيرضيك
ما ابيها منّك بس للوضع تخدير


أبي التزامك ربي ليّه يخليك
و الوعد منك كل يوم(ن) لي تقرير


بقلمي
وتّد مكانه بالحشا حب مغليك
كما ثبت بين الحنايا غرامك


يعني أنا ادري شوقكم ما يخليك
تبعد و تزعلني و انا لك مرامك


بقلمي
حط الأمل قدام درب المشاوير
تلقى الغياب يهون لو بعدهم طال


حاول مع قلبك بشرح و تصاوير
تفهمه دمعه ما ينفعه لو سال


بقلمي
ونيت من جور الألم بالمعاني
و العين عيت تحبس الدمع و تروف


و الحرف من حزنه يصيح و يعاني
حمس لي كبدي أشعل النار بالجوف


بقلمي
جيت اشتكيك
و اشتكت لك عيوني
يا مالك الإحساس
يا محتويني
بقلمي