السد باح و خاطري منك ضايق
و السر مكنوم(ن) و لا يمكن أبوح

هذي الحقيقه كان تبغا الحقايق
أخاصمك و النبض يبني لك صروح

و لا فيه داعي لك أقدم وثايق
يدري بي احساس(ن) معك جاوبه نوح

لك حشمة(ن) تجبر خفوقي يوايق
على مكانك فالحشا معادل الروح

رغم الزعل قلبي لك العذر سايق
يا صاحبي ما غيركم طب الجروح

يطلب نسامح بعدكم ماهو طايق
قلب(ن) عجز صوتي معه صار مبحوح

وش عاد لو حزني من النفس بايق
فرحة سويعات(ن) تجي بساع و تروح

مشكور يا مولع بجوفي حرايق
بصفح عن الزله من القلب مسموح

بقلمي