يبان من حرفك لي بسمة شفاتك
و يوصلني احساس الحزن لا قريتك

لا تحاول انك تخفي شي عن غلاتك
اسلوب نبضاتك حفظته فديتك

لو التزمت الصمت ذي من صفاتك
دليل هم(ن) ليت تطرده ليتك

لا تعتقد بان الفرح في حياتك
طاف و نسى لا يمر من صوب بيتك

دنياك لو هي ما على الكيف جاتك
الصبر طبع(ن) يرفع أصداء صيتك

لا تلتفت لامر(ن) مضى ذي وصاتك
دايم أذكّر فيها نفسي إن طريتك

يوم اللقا لو قدر الله ما فاتك
و لو تبعدك الاميال ابد ما نسيتك

بقلمي