رهنت قلبي عند قلبك أمانه
و اخذت وعد الفك يوم المماتي


ما احد(ن) شريك(ن) لك و يملك ميانه
انت الوحيد اللي عطيته حياتي 


يومك حفظت الود لك شوقي صانه
يا بعد روحي مالي عنك غناتي


لولاه ربي قلبي فالبعد عانه
وكاد كنت اليوم تقرى وصاتي


يا صاحبي احذر طريق الخيانه
ما ينفعك تندم إذا الوقت فاتي


لا ترضى في يوم(ن) لخلك اهانه
و لا تستمع هرج(ن) يجيبه وشاتي


حبك ما يخفى و انت تعرف مكانه
و ادري بوسط القلب مسكن غلاتي


بقلمي