الأربعاء، 14 مارس 2012

حييت يا نبضٍ له القلب ينقاد
طيفك نرحب به و نفدي له الروح



ليته در ى للوعد ما اخلفت ميعاد
يوم الجفا حلل حكم ذبح مجروح


أدمح له الزله و لي يزيد بعناد
يا كثر ما يخطي و انا اقول مسموح


بيدي أضمد جرح مشقيني بسهاد
و بالبعد كسر الخاطر أجبره بالبوح


نار الغبينه تحرق إن جاك نشاد
ناسٍ تجيب الهرج و تبني له صروح


لهيبها ما يطفي و الحكي له زاد
منها لزمت الصمت و قررت أنا اروح


حمدت ربي ثم دعيته ما تنعاد
أيام عدت ما توضح لها شروح


هربت منك لجل افيدك بالبعاد
لا تشتكي في يوم من سبة النوح


أكتم شعوري لو هدم حالي وش عاد
يومك تشوف إني لكم جملة جروح

بقلمي

ليست هناك تعليقات: