الأحد، 25 مارس 2012

كبدي كواها واشي شينه طروقه
أحرقني هرج الشر بالجور داير


مهما يحوب القلب من زود شوقه
و الله ما ارضى حكمهم فيني جاير


يا ويل عينٍ دايمٍ لك لحوقه
تكتم غلا حبٍ به الجرح غاير


أجهر لكم ثم اخفي لوعات توقه
ما قدّره ربك على النفس صاير


تدري بحبي و اني معكم صدوقه
لكن ظنونك تجعلك دوم حاير


و ادري بحبك ما ابخسه لا ما ابوقه
يشوقني طيبه بالانفاس فاير


حافظه قلبي يسري داخل عروقه
متمكنٍ بالعون ماهوب زاير


دايم زعلنا صوب قلبك أسوقه
أشكي لمن دربه على الخير ساير


و اليوم جعل الخير خيله سبوقه
و الحظ معكم ما يجي يوم باير


و يرزقك من دعوات صادق خفوقه
ما جاملك و لغيركم ما يساير


بقلمي

ليست هناك تعليقات: