يا غالي لك بالقلب حب و ودادي
بالفكر يرثع طيفكم منّه يسج

دام الغلا بيني و بينك وكادي
الجو صافي لا سمومٍ و لا عج

لبيه ما غيرك سمعها منادي
لو كانت الصيحات للراس تزعج

اقسم برب البيت ما هوب عادي
شوقٍ يقطّعني و لا يسمع الهرج

كم قلت تكفى خف و زاد بعنادي
حبٍ تمكن في حشاي متولج

الصبر عنّك كذب من قال فادي
طاريك يربكني و للقلب يرهج

يزيد من لوعات روحي سهادي
مع دمعٍ يحرق وجنتي لا تدحرج

يا نبض شريانٍ له الحظ بادي
أعشق سؤالك و الإجابه لي تحرج

 

بقلمي