عزاه يا دمع(ن) تحجر بعيني
مع حشرجه بالزور ينطق لساني

مبهورة(ن) من قسوه عيت تليني
أجبرني شرب السم بيده سقاني

حرام والله ما مضى من سنيني
قدمت له عمري وغدره عطاني

يقول لا تبكي ترى تذبحيني
والجرح منه عارف(ن) هو حداني

يغضبه دمعي وبالغثا هو يجيني
غريب(ن) أمره غايتي من زماني

آمنت بالله وما كتب بالجبيني
قدمت لك طاعه وقلبك عصاني

بالله تذكر مدتي لليميني
في كل مره قلبي منك يعاني

ما قلت قربك يا حبيبي يهيني
ولا قلت وقتي للعذر ما مداني

ولا انتظر منك تقول إقربيني
شوقك يناديني وبامرك تراني

يا عزوتي بامرك على ما تبيني
وإن كان جرحي يفرحك هات ثاني

يا كيف تنسى حبنا والحنيني
يا مسندي ربي بقربك حماني

ما اخطيت أنا علم(ن) وكاد و يقيني
متأكد(ن) قبلي وتقسى وتعاني

لا يا نظيري كل خافي يبيني
عالي مكانك مثل ما هو مكاني

أطلبك تسمح جيّتي مو بيديني
من كان مخطي نلزمه يجي عاني

الصبر مني معك ما هوب شيني
بالقلب دون العذر حبك مصاني

يا جنتي والنار كانك تبيني
إبشر بشوق(ن) بعدكم ما يداني

بقلمي