حي منهو لفاني و الغلا وسط عينه
قرم نسل النشامى بالقدر فوق عالي

لا تناظر حبيبي في عيوني الحزينه
لا تكدر عيونك و انت بالحيل غالي

يلي عمري بدونك ضايعاتٍ سنينه
لايع الكبد ليّه بالغثى سل حالي

ليه تبعد و قلبي يرتجي له تعينه ؟
يا جميل السجايا عنك ماني بسالي

لا تفرّح عذولي بقولته مبعدينه
تشرح الصدر له و بخاطري ما تبالي

و الله إني أحبك قدّرنا لا تهينه
و اني أنسى غرامك لا حشا ما طرالي

دام عيني تخيل الطيف هي له سجينه
لو جميع الخلايق حولي كني لحالي

إنشد القلب عندك قال لك هي تبينه
يوم يسأل فؤادك عن دموعٍ تسالي

يا بعد كل من لي ليت دومٍ تجينه
تنعش عروق جفت قولتك لي تعالي

 

بقلمي