يا عزوتي منك أعتذر \ ما ابيك يومٍ تستضيق
يفداك عمرٍ لك رخص \ يا ليت بامرك تستخير

عاذل و ان اغرس له بذر \ للشر جعله للحريق
شبيه للداب ان قرص \ يبعد و سمه بك يسير

بحر الحزن ينسي الحذر \ تصبح بهم تمسي غريق
خلك فطين و من حرص \ ياخذ برايٍ من شوير

لا تضيع للأمل فرص \ ما كل شخصٍ بك يليق
من يفهم القول بيخص \ يربط مع الطيّب مصير

غلاة وصلك كالشذر \ تشرى بألماس و عقيق
ما تشبه لمنهو يرص \ مغشوش في شكلٍ نظير

جاحدك عد تركه نذر \ ما كل نفسٍ له تطيق
درس الزمن يجي بحصص \ يستوعبه فكرٍ بصير

الجذع موصول بجذر \ و من غيّب العقل بيفيق

لا تحكم بشكٍ في نص \ربك خلق شرٍ و خير

 

بقلمي